Industriaren digitalizazioak ekar ditzakeen ondorioak murrizteko akordioa egin dute
Elkarrizketa Sozialaren Mahaiak industria 4.0ra igarotzeko "trantsizio justua" adosteko konpromisoa hartu du. Itun horrek formaziorako programak nahiz kaltetutako langileak babesteko neurriak bilduko ditu.
Eusko Jaurlaritzak, Confebaskek eta CCOO eta UGT sindikatuek osatzen duten foroak bilera egin du astearte honetan Gasteizen.
Eusko Jaurlaritzaren ordezkaritza Maria Jesus San Jose, Arantza Tapia, Beatriz Artolazabal eta Cristina Uriarte sailburuek osatu dute, eta Izaskun Landaida Emakundeko zuzendaria ere izan da haiekin batera.
Enpresarien izenean, Eduardo Zubiaurre Confebaskeko presidenteak hartu du parte batzarrean. Loli Garcia eta Raul Arza CCOO eta UGT sindikatuetako buruzagiak ere izan dira bileran.
Duela urtebete sortutako bost lantaldeetan egindako itunak berretsi eta 2020rako ekintza plana zehaztu dute Elkarrizketa Sozialerako Mahaian.
Besteak beste, industria 4.0rako trantsiziorako oinarriak adostu dituzte, batez ere digitalizazio prozesuari dagokionez.
Industriaren prozesu eraldatzaileak pertsonak erdigunean jarri behar dituela azpimarratu dute, eta digitalizazioak langileengan izan ditzakeen ondorio negatiboak murrizteko neurriak hartzearen alde egin dute.
Errelebo-kontratuaren harira, hausnarketa egin behar dela ondorioztatu dute, azken urteotako esperientziak porrot egin duela aitortuta.
Horrela, bada, ondoko aldaketak proposatu dituzte: adina baldintza izan behar den edo ez aztertzea, langabezia denbora tarte bat egoteko baldintza kentzea, laguntzak handitzea eta prozedurak arintzea.
2020rako ekintza planean, Lanbide Heziketarako eredu propio bat lantzeko oinarriak ezartzea adostu dute.
Laneko segurtasunari dagokionez, laneko arriskuak prebenitzeko ordezkariak gehiago formatzeko planak diseinatuko dituzte, eta ordezkari horien erregistro bat egingo dute.
Berdintasunaren alorrean, negoziazio kolektiboaren bidez lana eta familia kontziliatzeko neurri gehiago hartzeko konpromisoa hartu dute.
Zure interesekoa izan daiteke
Euskal ekonomiaren "termometroa" hazkunde leuneko eremura jaitsi da, esportazioengatik
Eusko Jaurlaritzako zabaldutako datuen arabera, euskal ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.
Abiadura handiko trena Abandotik iritsiko da Bilbora, behin-behinean, epeak aurreratzeko
Abiadura handiko trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 bat metro karratu erabiliko dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.