Pandemia
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Eusko Jaurlaritzak larrialdi sozialeko laguntza handitu du

Gainera, lehendakariak 76 milioi euroko partida bat iragarri du autonomoentzat, eta familia eta lana uztartzeko laguntza gehiago, alarma egoera luzatu dutela eta.
Eusko Jaurlaritzaren bilera, Iñigo Urkullu lehendakaria buru. Argazkia: Efe
author image

agentziak | erredakzioa

Azken eguneratzea

Iñigo Urkullu lehendakariak iragarri du Eusko Jaurlaritzak 43,5 milioira arte handitu duela larrialde sozialeko laguntza, eta 76 milioi euro bideratu dituela autonomoentzat eta familia eta lana uztartzeko neurrientzat, alarma egoera apirilaren 26ra arte luzatu dutelako.

Gobernu Kontseiluaren ostean egindako agerraldian, Osasunaren Nazioarteko Egunean, Urkulluk enplegu eta gizarte politiken arloan hartutako neurrien berri eman du, koronabirusaren krisia arintzeko bideratu duten 1.025 milioi euroko diru-funtsaren barruan kokatzen direnak.

Gaurko batzarrean, Gobernu kontseiluak Enplegu eta Gizarte Politiketako Sailaren hainbat ekimen onartu ditu, "pertsonen eta familien beharrak asetzeko helburuarekin". Hori dela eta, larrialdi sozialeko laguntzetara beste 16 milioi euro bideratzea onartu dute.

Hasiera batean 27,5 milioi eurokoa izan behar zen laguntza, baina 43,5 milioira igo dute, eta horri esker, "COVID-19ak jotako familia askoren bizi baldintzak hobetuko dira”".

Larrialdi sozialeko laguntzak oinarrizko beharretara bideratzen dira, tartean diru-sarrera nahikorik ez duten familia edo pertsonen janzteko, hezkuntzarako, heziketarako eta osasun arretarako aparteko gastuetara.

Gainera, 76 milioi euro erabiliko dituzte Lanbideren bitartez autonomoei laguntzeko, gazte bermerako laguntzentzako eta familia eta lana uztartzeko.

Bestalde, bazterkeria eta pobrezia egoeran daudenen arazoei aurre egiteko 10 milioi euroko funtsa erabiltzen hasiko da Jaurlaritza.

Kaltetutako autonomoentzako laguntzen deialdia onartu du Lanbidek, 3 milioirekin

Testuinguru horretan, Beatriz Artolazabal Enplegu eta Gizarte Politiketako Sailburuak Lanbideko Administrazio Kontseiluaren akordioaren berri eman dio Gobernu Kontseiluari; akordio horren bidez, alarma-egoeraren ondorioz jarduera etenda duten euren konturako langileentzako edo autonomoentzako ezohiko laguntzak onartu dituzte, 3 milioirekin.

Hortaz, iragarritako laguntzak nola emango diren arautu dute, eta zehaztu dute zein baldintza bete behar diren; hain zuzen ere, enpresariek eta banakako profesionalek eskatu ahalko dituzte laguntzak, bai eta ondasun-komunitateetako eta sozietate zibiletako bazkideek ere.

Interesa dutenek Euskadin izan behar dira erroldatuta, eta EAEn ondorengoa ere izan behar dute: benetako bizilekua, gizarte- eta zerga-egoitza, eta enpresa-jarduera. Lantokia ere izan behar dute EAEn.

Eskaerak, eredu ofiziala erabilita, egoitza elektronikoaren bidez aurkeztu beharko dira; Lanbideren web orrian ere esteka izango du.

Eskaerekin batera, alarma-egoerak jarduera eteteagatik ezohiko prestazioa jasotzeko ebazpena aurkeztu behar da. Halaber, negozioaren lokalaren alokatze-kontratua eta, dagokionean, Ondare Komunitatearen edo Sozietate Zibilaren eraketaren kreditazio-agiria ere erantsi behar dira.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu; Osasun Batzordearen telefonoa, 900 20 30 50 zenbakia, eskuragarri duzu, zalantzarik izatekotan. Nafarroan bizi bazara, Osasun Batzordearen telefonora dei dezakezu: 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.
500 milioiko euskal funtsa aktibatu dute enpresei eta autonomoei laguntzeko
Jaurlaritzak 841 milioi euro bideratuko ditu enpresei eta osasun arloari laguntzeko
Ekonomia Araba Bizkaia Gipuzkoa Iñigo Urkullu Gizarte zerbitzuak Euskal Autonomia Erkidegoa Eusko Jaurlaritza Lana Gaixotasunak Lanbide Eguneko Titularrak Alarma-egoera Covid-19aren aldaera berriak

Albiste gehiago ekonomia

18:00 - 20:00
ZUZENEAN
Duela  min.

Zeintzuk dira BBVAren eskaintza berriaren gakoak?

Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz). 

Gehiago kargatu