Etxebizitza libreko maizterrek 1.500 eurora arteko laguntza jaso ahalko dute
Koronabirusaren krisiaren ondorioz ahultasun ekonomikoan dauden etxebizitza libreetako maizterrek Eusko Jaurlaritzaren diru-laguntza jaso ahal izango dute alokairua ordaintzeko, gehienez 1.500 euro sei hilabeteko epean.
Eusko Jaurlaritzak gaur onartu du laguntza zuzen horiek arautzen dituen neurria, eta Aldizkari Ofizialean argitaratu eta biharamunean eskatu ahal izango dira, ziurrenik datorren astean.
Iñaki Arriola Ingurugiro, Lurralde Antolaketa eta Etxebizitza sailburuak prentsaurrekoan azaldu duenez, 15,5 milioi euroko aurrekontua du laguntzak, eta ez dira izango bateragarriak helburu bera duten gainerako laguntzekin.
Sailburuak aurreikusi du 10.000 familia ingurura iritsiko dela laguntza.
Diru-laguntza 250 eurokoa izango da hilean, eta gehienez sei hilabetez iraungo du, apiriletik irailera, baina urtebetera luzatzeko aukera dago okerren dauden kasuetarako.
Hori horrela, pandemiak eragindako krisiaren ondorioz langabezian edo Aldi Baterako Erregulazio Txostenen eraginpean daudenek, eta diru-sarrerak % 40 murriztu dituzten enpresari edo autonomoek jaso ahal izango dute laguntza.
Arriolaren esanetan, laguntzara jotzeko baldintza nagusiak alokairuaren kontratua alarma egoera ezarri aurretik sinatzea eta beste etxebizitzarik ez edukitzea izango dira.
Horiez gain, azken urte fiskalean familiaren diru-sarrerak ezingo dira 39.000 eurotik gorakoak izan, hori baita Babes Ofizialeko Etxebizitza lortzeko muga, eta ezingo da 50.000 eurotik gorako ondarerik izan.
Indarkeria matxistaren eta etxegabetzeen biktimek ere jo ahal izango dute laguntza honetara, eta baita etxerik ez dutenek eta udaletako gizarte zerbitzuek ahulenen artean sartzen dituztenek ere.
Azken kasu horietan laguntza 3.000 eurora artekoa izango da, 12 hilabetetan banatuta.
Arriolak argitu du laguntzak izapidetzeko www.euskadi.eus–en edo Alokabideren webgunearen bitartez egin daitekeela.
Zure interesekoa izan daiteke
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.
Bizkaiko hegoaldeko trenbide-saihesbidearen obrak urtea amaitu baino lehen hasiko dira
Eusko Jaurlaritzako Mugikortasun Jasangarriaren sailburu Susana Garcia Chuecak azaldu duenez, obrak amaitutakoan merkantzia-trenek ez dute Santurtzi, Portugalete, Sestao eta Barakaldo zeharkatu beharko. "Aldiriko trenek bakarrik zirkulatuko dute, iberiar zabalera baitute trenbide horiek", gaineratu du.
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.
Mikel Jauregi: "Hidrogeno berdeak menpekotasuna galtzea ekarriko digu"
Industria, Trantsizio Energetiko eta Jasangarritasuneko sailburuak "Egun On" saioan adierazi duenez, "garai batean Errusiarekiko genuen menpekotasuna amaitu da, baina, orain, Ipar Amerikarekiko menpekotasuna sortzen ari gara". "Egin dezagun europar energia bat", gaineratu du sailburuak