Renaultek 15.000 lanpostu deuseztatuko ditu mundu osoan, 2.000 milioi aurrezteko
Renault konpainiak datozen hiru urteetarako egitasmoa aurkeztu du ostiral honetan. Besteak beste, mundu osoan ia 15.000 lanpostu deuseztatzea aurreikusten du, 2.000 milioi euro aurrezteko.
Hala ere, Espainian dituen lantegiak ixtea baztertu du Frantziako multinazionalak. Valladoliden bi lantegi ditu konpainiak, eta Palentzian eta Sevillan beste bi. Guztira, 14.000 bat behargin ditu Espainian.
Enpresak jakitera eman duenez, 2023ra arte egitasmoaren helburua konpainiari lehiakortasuna ematea eta epe luzera garapena bermatzea da, Renault-Nissan-Mitsubishi batasunaren baitan. Planak 1.200 bat milioiko kostua izango du.
Frantzian, ia 4.600 langileri eragingo die murrizketak 2023ra arte. Munduan beste 10.000 lanpostu desagertuko dira. Lanpostuen birmoldaketa, barne mugikortasuna eta borondatezko bajen bitartez bideratuko dituzte murrizketak.
Aldi berean, enpresak bere industria egitura berrantolatuko du. Horrela, 2024rako ekoizpen gaitasuna murriztuko du, eta 3,3 milioi ibilgailu ekoitziko ditu. 2019an 4 milioi ekoitzi zituen konpainiak. Produkzioa ia % 18 jaistea suposatzen du horrek.
Horrela, 650 bat milioi euro aurreztu nahi ditu taldeak. Horretarako, Industria 4.0 lantegien eraldaketan lan egin eta ingeniaritza prozesuak hobetuko dituzte.
Gainera, ekoizpena areagotzeko egitasmo guztiak geldituko ditu, Marokon eta Errumanian aurreikusitakoak esaterako. Errusiako lantegien egoera eta abiadura kutxak fabrikatzeko prozedurak aztertuko dituzte mundu osoan.
Azkenik, Renaultek Dongfeng Motor salduko du, eta Txinan bere markarekin ibilgailuak saltzeari utziko dio.
Zure interesekoa izan daiteke
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.
Bizkaiko hegoaldeko trenbide-saihesbidearen obrak urtea amaitu baino lehen hasiko dira
Eusko Jaurlaritzako Mugikortasun Jasangarriaren sailburu Susana Garcia Chuecak azaldu duenez, obrak amaitutakoan merkantzia-trenek ez dute Santurtzi, Portugalete, Sestao eta Barakaldo zeharkatu beharko. "Aldiriko trenek bakarrik zirkulatuko dute, iberiar zabalera baitute trenbide horiek", gaineratu du.
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.
Mikel Jauregi: "Hidrogeno berdeak menpekotasuna galtzea ekarriko digu"
Industria, Trantsizio Energetiko eta Jasangarritasuneko sailburuak "Egun On" saioan adierazi duenez, "garai batean Errusiarekiko genuen menpekotasuna amaitu da, baina, orain, Ipar Amerikarekiko menpekotasuna sortzen ari gara". "Egin dezagun europar energia bat", gaineratu du sailburuak