LAB: "Patronala etekin guztiekin geratzen da eta ez du ezer jartzen ABEEetan"
Garbiñe Aranburu LAB sindikatuko idazkari nagusiak gogor salatu du euskal patronalak ez duela "ezer jarri" soldatarik baxuena duten langileen ABEE edo Aldi Baterako Enplegu Erregulazioan dauden langileen soldatak osatzeko eta "azken urteetako etekinak eurentzat gorde" izana gaitzetsi du.
LABeko buruarentzat, ostegun honetan Jaurlaritzak, CC.OO.k, UGTk eta Confebaskek Aldi Baterako Enplegu Erregulazio txostenen inguruan egindako akordioa (20.000 eurotik beherako oinarri arautzailea duten langileei 150 euro ordainduko dizkie Eusko Jaurlaritzak) "oso motz" geratzen da. "Batetik, ezartzen dituen mugak direla eta, ez delako langile guztientzat izango, eta bestetik, osatzen duen kantitatea oso txikia delako. Eta garrantzitsuena dena, ez duelako inolako oztoporik jartzen lanpostuak gal ez daitezen" zehaztu du.
Aranburuk adierazi du nola finantzatu behar den ere oso kritikagarria dela, "diru publikoa bakarrik erabiliko baita horretarako, hau da, langile guztien dirua", "patronalak ez du ezer jarriko, azken urteetan lortutako etekin guztiak eurentzat gorde dituzte" salatu du.
LABeko arduradunaren iritziz, lanaren arazoari irtenbidea ematea "lehentasunezkoa" da, eta horregatik, sindikatu abertzaleak plan integral bat helarazi die EAEko zein Nafarroako gobernuei, Confebaski eta CEN patronalari.
Proposamen horretan, besteak beste, ABEEak osatzea eta lanpostuak bermatzea planteatzen dira, "kaleratzeak ez egiteko baldintza amaitzen denean".
Gainera, aldi baterako kontratua duten langileen egoera hobetzeko neurri andana ere proposatu dituzte eta langabezian geratu diren edo gera daitezkeen langileek 1.200 euroko diru-sarrera izatea bermatzea.
Madrilen PSOEk, Podemosek eta EH Bilduk lan-erreforma bertan behera uzteko sinatutako akordioa betetzea ere eskatu du Aranburuk eta 2012ko erreforma hark patronalari "kaleratzeak erraztu eta ia doakoak bihurtzeko aukera eman ziola" gogorarazi du.
Lan harremanen ereduaren prekarizazioa
"Garbi geratu da bai patronalak baita gobernuek ere ez diotela lanaren arazoari konponbidea eman nahi. Euskadin akordioa gutxiengo sindikalarekin sinatu dute, eta ez dute horretarako zilegitasunik. Nafarroan Elkarrizketa Sozialaren mahaian aztertu da baina ez dute LABen proposamenaren inguruan hitz egin nahi, arazoari irtenbidea emango litzaiokeenean" ohartarazi du.
Aranburuk dio pandemia honek zerbait argi utzi badu, "lan harremanen eredua prekarizatua eta oso hauskorra dela" dela. "Krisia iritsi bezain pronto, milaka lanpostu desegin ziren, aldi baterakoak gehienak, %89, eta egoera horrek bereziki kaltetu ditu gazteak eta emakumeak".
Langile asko "behar dituenean erabiltzen ditu sistemak eta bota behar ez dituenean" ohartarazi du.
Zure interesekoa izan daiteke
Beste hiru greba egun deitu dituzte martxorako eskola jantokietan
Lanuzteak martxoaren 10ean, 11n eta 12an egingo dituzte, gaur egun negoziazioetan duten "blokeo" egoera dela eta.
Gipuzkoako erresidentzietako langileen itxialdia Donostiako Emakumeen Etxean
ELAk deituta, Gipuzkoako adinekoen egoitzetako ehun bat langile Donostiako Emakumeen Etxean itxialdia egiten ari dira atzotik, babes soziala lortzeko eta lan-gatazkan Gipuzkoako Foru Aldundiak "berehala esku-hartzea" eskatzeko.
Lanera ez joatea erabaki dute Petronorreko hainbat langilek bentzenoaren eraginpean ez egoteko
ELAko iturriek adierazi dutenez, nahiz eta Eusko Jaurlaritzak inguruko herritarrei prebentzio-neurriak hartzea gomendatu, enpresak ez die beharginei inolako segurtasun jarraibiderik eman. LABek, bestalde, Petronorri eskatu dio geldi dezala lantegiaren jarduna, intzidentzia konpondu bitartean.
Tubacexek % 30 murriztu ditu irabaziak 2025ean, 15,9 milioi euro irabazi baititu
Salmentak % 6,3 jaitsi dira, 719,3 milioiraino. Hala ere, enpresak esan du eutsi egin diola "merkatuaren ahultasun orokorraren inguruneak" asko markatu duen urtean, "eredu integratuan, dibertsifikazio geografikoan eta balio erantsi handiko hainbat sektore eta nitxotan duen presentzian oinarritutako estrategiari esker", horrek "muga-zergen ziurgabetasunaren inpaktua arintzen" lagundu baitu.
Tubos Reunidoseko langileak Bilbon mobilizatu dira, lan-erregulazioko espedientearen bileran batzordeari laguntzeko
Zuzendaritzak eskaintza berria aurkeztu du, langileek borondatezko bajak onar ditzaten, eta batzordeak bere jarrera berretsi du, enpresak enplegu-erregulazioko espedientea atzera bota dezan. 300 langilek baino gehiagok parte hartu dute protestan.
Bilboko Portuak 77 milioiko fakturazioa izan zuen 2025ean, % 0,3 gehiago
Ivan Jimenez Bilboko Portu Agintaritzako presidenteak jardueraren balantzea aurkeztu du ostegun honetan, eta egoera ekonomikoa onbideratutzat jo du. Horri esker, portu-tasak izoztuta mantenduko dira.
Hauek dira 'babes sozialerako' dekretua indargabetu ondoren bertan behera geratu diren neurriak
Dekretua bigarren aldiz indargabetu izanak bertan behera utzi du familia zaurgarrien etxegabetzeak etetea, baita zerga eta enpresa arloko beste neurri batzuk ere. Hauek dira babes sozialerako dekretuak jasotzen zituen neurri nagusiak.
Danobatek 500 lanpostu sortuko ditu Euskadin, eta 50 milioi inbertituko ditu "robot industrialen belaunaldi berri bat" egiteko
Helburua da Euskadin robot industrial aurreratuen belaunaldi berri bat diseinatzea eta fabrikatzea, eta teknologia estrategiko horren ildoko tokiko balio-kate sendo bat finkatzea.
Stellum Capitalek ia hirukoiztu egingo ditu aktiboak bi urtean, 700 milioi euroraino
Artizarra Fundazioak sortutako eta Hego Euskal Herriko enpresaburuek sustatutako kapital pribatuko funts kudeatzaile bat da Stellum Capital. Inbertitzeko hiru tresna berri abiaraziko dituzte, egungo aktiboak hirukoizteko helburuarekin.
"Anbizioa dugu, eta erabakimena gure lurraldean geratzea bilatzen dugu"
Atzo zabaldu zenez, euskal inbertsore talde batek Azpeitiko Elmubas Petfood Group enpresa erosteko interesa omen du. Euskadi Irratiari egindako adierazpenetan Eider Mendoza Gipuzkoako ahaldun nagusiak esan duenez, berri ona da, eta operazioa "gertutik" jarraituko dute.