Hezkuntzako LEPa datorren abenduan egingo da
Hasiera batean ekainerako aurreikusita zegoen eta COVID-19aren ondorioz atzeratu behar izan zen Hezkuntzako Lan Eskaintza Publikoa datorren abenduan egingo da.
Agindu berriak ezartzen duenez, oposizio-faseko lehen proba 2020ko abenduan egingo da, hil horretako hirugarren asteburuan, betiere osasun-egoerak horretarako aukera ematen badu. Era berean, izangaiek kontuan hartu beharreko epe hauek ere zehazten ditu:
· Irailaren 30etik urriaren 9ra: izangaiek programazio didaktikoa aurkeztu beharko dute.
· 2021eko lehen hiruhilekoan: merezimenduak aurkezteko zortzi eguneko epea irekiko da. Hezkuntza Sailak behar den aurrerapenez iragarriko du data.
Izena emateko ireki diren epeetan (otsaila-martxoa tartean lehenik, eta ekaineko lehen egunetan ondoren) 6.042 izen emate izan dira LEP horretan parte hartzeko. Dena den, izangai horiek programazio didaktikoa aurkeztu beharko dute, zehaztutako epeen barruan, oposizio-faseko lehen proba egin ahal izateko.
Erabaki honekin, Eusko Jaurlaritzaren asmoa lan egonkortasuna dakarren prozesu hau burutzea da, honek hezkuntza-sistemaren kalitatean eta milaka profesionalen bizi-proiektuan duen eragin zuzenaren jakitun baita.
Hezkuntza Sailak uste du osasun-egoerak aukera emango duela lan eskaintza publikoa adierazitako egunetan egiteko. Unea iristean, osasun-agintariek prozesua ez egitea gomendatuko balute, Sailak ahalik eta lasterren jakinaraziko du data aldatu beharra, egoera horrek interesdunen artean eragin ditzakeen eragozpenen jakitun.
Hezkuntza Sailak, 2020ko LEP horren bidez, 1.148 plaza eskaintzen ditu guztira honako bi kidego hauetarako:
· Bigarren Hezkuntzako Irakasleen kidegoa: 1.021 plaza
· Lanbide Heziketako Irakasle Teknikoen Kidegoa: 127 plaza
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.