Alokairurako laguntzak abendura arte eskatu ahal izango dira
Eusko Jaurlaritzak abenduaren 31ra arte luzatu du egoera ekonomiko ahulean dauden maizterrentzako etxebizitza libreen alokairua ordaintzeko laguntzak eskatzeko epea.
Laguntza zuzen horiek (gehienez 1.500 euro familia bakoitzeko) hasiera batean hilaren 30ean amaitzen zen, baina Eusko Jaurlaritzaren Gobernu Kontseiluak urte amaierara arte luzatzea onartu du astearte honetan, "osasun krisiaren ondorio ekonomiko eta sozialek bere horretan jarraitzen dutelako, pandemiak bere horretan jarraitzen duelako".
Epea luzatzeak ez du esan nahi laguntza horietarako diru gehiago erabiliko denik, beraz, 15,5 milioi euroko hasierako aurrekontuari eutsiko zaio, eta kopuru hori "egokia eta nahikoa" dela uste du Jaurlaritzak.
Laguntzen zenbatekoa ez da bateragarria izango helburu bererako beste diru-laguntza batzuekin, hilean 250 eurokoa izango da, eta sei hilabetez aplikatuko da, nahiz eta salbuespenezko kasuetan hamabi hilerokora irits daitekeen.
Onurak jaso ahal izango dituzte langabezian geratzen diren edo pandemiak eragindako krisiaren ondorioz aldi baterako enplegu-erregulazioko espediente baten eraginpean dauden etxebizitza libreetako maizterrek, bai eta beren diru-sarreretan edo salmentetan % 40tik gorako beherakada nabarmena duten langile autonomoek eta enpresaburuek ere.
Laguntzak genero-indarkeriaren biktima diren, etxegabetzeak jasaten dituzten, etxerik ez duten edo bereziki kalteberak diren eta udaleko oinarrizko gizarte-zerbitzuek halakotzat jotzen dituzten pertsonei zabaltzen zaizkie. Kasu horietan, laguntzaren zenbateko osoa 3.000 eurokoa izan daiteke, hamabi hilekotan banatuta.
Eskabideak bihartik aurrera izapidetu ahal izango dira, ahal dela modu telematikoan, euskadi.eus webgunearen eta Alokabide sozietate publikoaren webgunearen bidez.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.