Azpiazu: "Administrazio publikoan soldata jaistea ez litzateke ulergarria izango"
Pedro Azpiazu Eusko Jaurlaritzako Ekonomia eta Ogasuneko sailburuak esan du datorren ostiralean aurkeztuko dituela bere sailaren aurreikuspen ekonomikoak. Hirugarren seihilekoan hobekuntza zantzuak izan badira ere, urteari erreparatuz gero "beherakada oso esanguratsua" izango dela gaineratu du. Defizitaren neurriak zehazteko irailaren 30ean Kontzertu Ekonomikoaren Batzorde Mistoaren bilera egingo dute, seguru asko, "baliabideak berriro zehaztu" eta helburuak betetzen direla ziurtatzeko; "bidea luzea da, ibilbide handikoa", esan du.
Radio Euskadiko "Boulevard" saioan eginiko elkarrizketan sailburuak azaldu duenez, bigarren seihilekoan ekonomiak "historian izan duen jaitsiera handiena" izan du, baina hirugarren hiruhilekotik aurrera ba omen daude "hobekuntza zantzuak" erakusten duten adierazleak, "esperantza apur bat" ematen dutenak.
Dena dela, ekonomikoki oso urte txarra izango dela jakinarazi du, eta pandemiaren eta ekonomiaren errealitateari aurre egin beharko zaiola.
Bestalde, 2021erako euskal aurrekontuei buruz esan du Saila "barne lana" egiten ari dela jada, baina gogorarazi du "defizita noraino iritsiko den" jakin behar dela. Gai hori irailaren 30ean (eguna oraindik ez da ziurra) Kontzertu Ekonomikoaren Batzorde Mistoak egingo duen bileran aztertuko dela gaineratu du.
Ondoren, urriaren 15ean, Finantzen Euskal Kontseiluan elkartuko dira eskuragarri izango dituzten baliabideak aztertzeko. Gaineratu duenez, diru-bilketaren jaitsiera ez da hasieran uste zena bezainbestekoa izan, baina horrek "ez ditu gauzak gehiegi aldatzen".
Albiste hau Radio Euskadik landu eta eitb.eus-ek itzuli du. Entzun elkarrizketa osoa Radio Euskadiko "Boulevard" saioan.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.