Bayer da Viralgen donostiarraren jabe berria
Javier Garcia Cogorro Viralgenen kontseilari ordezkariak azpimarratu du Bayerrek "bultzada" emango diola terapia genikoa lantzen duen konpainia donostiarrari. Gainera, enpresa gipuzkoarrak "modu independentean lan egingo du, gure estrategiari eutsiko dion bazkide batekin, eta indartuta aterako gara", gaineratu du.
Garcia Cogorroren arabera, "oso albiste ona da Gipuzkoarentzat, Euskadirentzat eta Donostiarentzat, zeren, lehenengo aldiz, mundu mailako farmazia enpresa bat hona etorri da bertan geratzeko asmoz".
Viralgenen kontseilari ordezkariak prentsaurrekoa eman du Donostian Bayerrekin egin duen akordioa azaltzeko. Farmazia multinazional alemaniarrak enpresa donostiarraren ekoizpen plataforma erosi du.
Bayerrek AskBio bioteknologia enpresa estatubatuarra erosi du, hau da, Viralgen fundatu zuena eta enpresa donostiarraren erdiaren jabe zena. Bayerrek 4.000 milioi dolarrean erosi du AskBio.
Operazio berean, Bayerrek Viralgenen beste erdia erosi dio Columbus Venture Partners inbertsio kudeatzaileari.
Viralgenek "independentzia" izango du jarduteko eta nortasun korporatiboari eutsiko dio. "Viralgeneko lantaldeak terapia genikoak garatzeko eta ekoizteko duen kualifikazio altua eta esperientzia oso garrantzitsuak dira Bayerrentzat, ezagutza eta espezializazio hori zaila baita aurkitzea industria honetan", azpimarratu du.
Garcia Cogorrok azpimarratu du akordioan argi geratu dela "erakundeen independentzia oinarrizkoa" zela Askbiok eta Viralgenek "inolako eskuhartzerik gabe" lan egin zezaten, eta Bayerrek "erabat errespetatu" omen du hori.
Hori horrela, Viralgenek aurreikusi du beste hiru eraikin altxatuko eta 450 pertsona kontratatuko ditutela datozen hiru urteetan. Gaur egun 110 behargin ditu lantegiak.
COVID-19aren aurkako txertoa
Harvard eta Massachusetts General Brigham Hospital buru dituen eta COVID-19aren aurkako txertoa ikertzen ari den partzuergoan dago sartuta Viralgen, estatubatuarra ez den enpresa bakarra, eta Europarako eta beste eremu batzuetarako txertoa ekoizteaz arduratuko da.
2021ean martxan jarriko den beste lantegi batekin, Viralgen proba klinikoetan dagoen txerto hori industria mailan ekoizteko "erronkari erantzuteko" prestatzen ari da.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.