Iberdrolak 75.000 milioiko inbertsio-plana jarriko du martxan 2025era arte
Iberdrolak 75.000 milioi euroko inbertsio historikoa egingo du 2020-2025 epealdian. Aurrea hartzea eta iraultza energetikoaren aukerak aprobetxatzea du helburu konpainiak, baita susperraldia bultzatzea COVID-19aren egungo krisiaren aurrean, taldeak "Capital Markets Day" dela eta iragarri duenez.
Zehazki, inbertsio bolumen horren % 90 (68.000 milioi euro) organikoa izango da eta bere negozio eredua finkatzera zuzenduko du, energia berriztagarri, sare, biltegiratze eta bezeroentzako irtenbide adimendun gehiagotan oinarrituta. Gainerako 7.000 milioi euroak PNM Resources konpainia amerikarra erosteko dira.
Ignacio Sanchez Galan buru duen taldeak epe horretan ezarriko duen abiadurak, batez beste, 10.000 milioi euroko inbertsioa eragingo du urtean, 2020tik 2022ra bitartean, eta 13.000 milioi eurokoa 2023tik 2025era bitartean.
Inbertsio-erritmo horrekin batera, aldi berean, hazkunde errentagarria egongo da, finantza-sendotasunari eta akziodunei ematen zaien ordainsariari eusten dien bitartean.
Hala, ustiapen-etekin gordina (Ebitda) 15.000 milioi eurokoa izango da 2025erako, hau da, 2019an lortutakoa baino 5.000 milioi euro gehiago, urteko batez besteko hazkunde metatua % 7koa izanik, eta etekin garbia 5.000 milioi eurora arte igotzea aurreikusten du, aldi horretan urtero % 6 eta % 7 artean hazita.
Horrek esan nahi du epealdiaren amaieran taldearen irabaziak ia % 47 haztea espero dutela, 2019an lortutako 3.400 milioi euroko mozkin errekorrarekin alderatuta.
Halaber, Iberdrolak taldearen 2022ko aurreikuspenak gorantz berrikusi ditu, COVID-19aren testuinguruan izan arren. Horrela, 2022ko mozkin garbia 4.000 milioi eta 4.200 milioi euro artekoa izango da, 2018-2022 aldirako aurreikusitako 3.700-3.900 milioien aldean.
20.000 kontratazio berri inguru
Aldi berean, 20.000 kontratazio berri egitea aurreikusi du aldi horretarako: 2022rako, 10.000 baino gehiago izango dira, eta 30.000 lanpostu sortzea bultzatuko du.
Bestalde, Iberdrolak bere kreditu kalifikazioak 'BBB+/Baa1' mailan mantentzea aurreikusten du, baita gaur egungo zor ratioak ere, kutxa fluxu handiagoak sortzeko duen ahalmenagatik. Konpainiak bere finantziazio iturrien dibertsifikazio handia izaten jarraitzen du, 15.000 milioi eta 22.000 milioi euro artean, merkatu ezberdinetarako sarbidea eta likideziaren kudeaketa aktiboa ahalbidetzen diotenak.
Zure interesekoa izan daiteke
Abiadura Handiko Trena Abandotik iritsiko da Bilbora, behin-behinean, epeak aurreratzeko
Abiadura Handiko Trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 metro karratu inguru askatu ahal izango dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.