Unicaja eta Liberbankeko administrazio kontseiluek bi taldeek bat egitea onartu dute
Unicaja eta Liberbank bankuen administrazio kontseiluek begi onez ikusi dute bi taldeek bat egiteko proiektua. Gauzak horrela, Malagan egoitza duen erakundeak Asturiasko bankua xurgatuko du, Espainiako bosgarren bankurik garrantzitsuena sortzeko, aktiboak eta gordailuak kontuan izanda, Balore Merkatuaren Batzorde Nazionalak astearte honetan jakinarazi duenez.
Testuinguru horretan, Liberbankeko akziodunek Unicajaren akzioak jasoko dituzte, eta Liberbank desagertu egingo da, horren akziodunek likidaziorik jaso gabe eta euren ondare guztia Unicaja Banken esku utziz; Liberbankeko akziodunentzat inolako konpentsazio osagarririk aurreikusi gabe. Gauzak horrela, Unicaja Bankuak oinordetza unibertsal bidez Liberbanken eskubide eta betebehar guztiak eskuratuko ditu.
Liberbanken akzioen trukeari erantzuteko, Unicaja Bankuak gehienez ere 1.075.299.764 akzio arrunt izango ditu, bakoitza euro bateko balio nominalean jaulki beharrekoak. Horrek esan nahi du kapitala gehienez ere 1.075.299.764 euro handituko dela, baina zenbateko hori Liberbanken zenbatekoaren arabera alda daiteke, amortizatu egingo baitira.
Ildo horretatik, Manuel Azuaga Unicaja Bankuko egungo presidenteak bere funtzio exekutiboei eutsiko die eta administrazio kontseiluko buru izango da. Behin kontseilua osatuta, Liberbankeko egungo lehen exekutiboa, Manuel Menendez, erakundearen kontseilari delegatu gisa izendatuko du lehen saioan, eta Unicaja Bankuan izango du kargu horren ardura eta funtzioak.
Aurreikuspenen arabera, 2021eko bigarren hiruhilekoaren amaieran edo hirugarren hiruhilekoaren hasieran amaituko da bi bankuek bat egiteko prozesua. Bat-egite proiektuaren arabera, banku berriaren egoitza Malagan egongo da, Unicaja Bankuaren egoitza dagoen lekuan, hain zuzen ere.
Erakunde berriak, printzipioz, 9.972 langile izango ditu (6.274 Unicaja Bankukoak eta 3.698 Liberbankekoak) eta 1.608 bulego (1.029 Unicajarenak eta 579 Liberbankenak). Unicajak eta Liberbankek jakinarazi dutenez, bat-egitea gauzatu osteko prozesua amaitutakoan aztertuko dituzte akordioak eragindako bikoizketak, horren inguruko erabakiak hartzeko.
Zure interesekoa izan daiteke
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.