Ertzain bat hil da Donostian, Ertzaintzaren autoarekin Urumeara erorita
47 urteko ertzain bat hil da goizaldean Donostian, Ertzaintzaren autoarekin Urumea ibaira erorita. Eusko Jaurlaritzako Segurtasun Sailak jakinarazi duenez, ibilgailuan zihoan ertzainetako bat zauri arinekin erreskatatu dute, eta bigarrenaren gorpua auto barruan topatu dute.
Hildako ertzaina, Ertzaintzaren XIX. promoziokoa, Donostiako bizilaguna zen. Zauritutako ertzainak, bere aldetik, 28 urte ditu eta gipuzkoarra da. Ertzaintzaren XXVIII. promoziokoa da eta lanean hasi berria.
Istripua 03:25 aldera gertatu da. Oraindik argitzeke dauden arrazoiak tarteko, Ertzaintzaren autoa Urumea ibaira erori da Maria Kristina zubiaren parean. Ertzaintzaren autoa oinezkoentzako Egiako pasabidetik zetorren.
Ezbeharraren unean bi agente zihoazen autoan. Ertzainetako bat bere kabuz atera da autotik eta ondoren suhiltzaileek eta ertzainek erreskatatu dute. Uretatik ateratakoan, zauri arinekin eta hipotermia zantzuekin eraman dute Donostia Ospitalera. Dena den, hobera egiten ari da.
Bigarren ertzaina, ostera, ibilgailuaren barruan harrapatuta gelditu da. Garabi batek atera du autoa 09:15ean eta bertan aurkitu dute hilotza.
Ertzaintzak ikerketa zabaldu du gertaturikoaren nondik norakoak argitzeko.
Istripuaren tokitik bertatik Josu Erkoreka Eusko Jaurlaritzako Segurtasun sailburuak azaldu duenez, ezbeharra izan da bart gertaturikoa. Antza denez, autoak barandaren tokirik ahulena jo du eta, ondorioz, ibaira erori da. Gaineratu duenez, istripua izan duten ertzainak zaintza lan arruntetan ari ziren.
Bingen Zupiria Eusko Jaurlaritzaren bozeramaileak esan duenez, "ezbehar-mukuru batek" eraman du Ertzaintzaren ibilgailua ibaitik erortzera.
Donostian hil den ertzainaren aurkako mezuak salatuko ditu Eusko Jaurlaritzak
Asteazken goizaldean Donostian hil den ertzainaren aurka sare sozialetan zabaldutako gorroto-mezuak salatuko ditu Eusko Jaurlaritzako Segurtasun Sailak. Oraindik argitzeke dauden arrazoiak tarteko, Ertzaintzaren autoarekin Urumea ibaira erorita hil da 47 urteko langilea.
Hala, Josu Zubiaga Segurtasun sailburuordeak Roberto Seijo ErNE sindikatuko idazkari nagusiari baieztatu dionez, sare sozialetan ertzain horren kontra zabaldutako gorroto-mezuak salatuko ditu Eusko Jaurlaritzak auzitegietan.
Ertzaintzako sindikatuek elkarretaratzea deitu dute ostegunean Donostian
Ertzaintzaren lan segurtasun eta osasun batzordean ordezkaritza duten ErNe, Esan, ELA eta Euspel sindikatuek elkarretaratzea deitu dute ostegun honetarako Ondarretako ertzain-etxearen aurrean, hildako ertzainaren omenez.
Beren babes osoaz gain, deitzaileek doluminak helarazi dizkiete hildako lankidearen senide eta lagunei. Azaldu dutenez, osteguneko kontzentrazioan "lan istripuaren zergatiak" argitzeko eskatuko diote Segurtasun Sailari, "beharrezkoak diren prebentzio neurri guztiak har daitezen eta horrelako gertaera bat berriro gertatu ez dadin".
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.