Zabalik da Ertzaintzaren eta Udaltzaingoen Lan Eskaintzarako izen-ematea
Ertzaintzako agente izateko 700 plaza eta udaltzain izateko 51 plaza bete behar dituzte, eta prozesu horretan izena emateko epea zabalik egongo da gaurtik otsailaren 8ra arte. Eusko Jaurlaritzaren eta EUDELen aurreikuspenen arabera, lehen probak 2021eko udaberrian egingo dituzte.
Euskal Herriko Agintaritzaren Aldizkariak astelehen honetan argitaratu ditu Ertzaintzako eta Udaltzaingoetako 751 lanpostu betetzeko deialdi bateratuaren oinarriak.
Gaurtik otsailaren 8ko 00:00ak arte eman ahalko da izena prozesu horretan parte hartzeko. Inprimaki ofiziala www.arkauteakademia.eus atarian dago eskuragarri, baita www.euskadi.eus-eko "Enplegu publikoaren ataria" orrian ere.
Ertzaintzaren XXX. Promozioko oinarrizko eskalako agenteetarako 700 plaza eta Euskadiko 18 udaletako udaltzaingoetarako beste 51 bete nahi dituzte, eta azken horiekin Gasteiz, Laudio (Araba), Bilbo, Basauri, Bermeo, Durango, Etxebarri, Getxo, Lekeitio, Portugalete (Bizkaia), Donostia, Azkoitia, Hondarribia, Irun, Pasaia, Tolosa, Zarautz eta Zumaia (Gipuzkoa) udalerrietako udaltzaingoetan dituzten premiak bete nahi dituzte.
Deialdi honen bidez, Euskadiko Poliziak ematen duen oinarrizko zerbitzu publikoa behar bezala betetzeko beharrezko eta behar adinako baliabideak bermatu nahi dira, eta belaunaldien txanda eta erroldak gaztetzea du helburu.
Halaber, emakumeak deialdi honetara aurkeztea sustatu nahi dute, plantila horietan dagoen emakumeen kopurua handitzeko. Emakumeen eta gizonen berdintasunean aurrera egiteko konpromisoa da, baina baita zerbitzu publikoa hobetzeko konpromisoa ere, delitu matxisten biktimak artatu behar direnerako, esaterako.
Azkenik, polizia talde horietan lanean ari diren langileen % 100 euskaldunak izatea nahi dute, euskara izan dadin eguneroko lanean nahiz herritarrei arreta emateko barne-harremanetarako ohiko hizkuntza.
751 plaza horietako bat betetzeko aukera izateko, izangaiek baldintza hauek bete behar dituzte:
- 18 urte beteta eta 38 urte bete gabe izatea.
- Gizonek gutxienez 1,65 metroko garaiera eta emakumeek 1,60koa izatea.
- Batxilergoko titulua, kidekoa edo hortik goragoko beste edozein izatea.
- Kidegoaren arabera, bete nahi den plazaren baldintza guztiak betetzea: euskara-maila, eskatutako gidabaimenak indarrean eta abar.
Eusko Jaurlaritzaren eta EUDELen aurreikuspenen arabera, lehen probak 2021eko udaberrian egingo dira. Gauzak ondo, agenteen promozio berri hori datorren urteko udazkenean hasiko da prestatzen, eta 2022ko bigarren seihilekoan hasiko da praktiketan lanean Euskadiko polizia-kidegoetan.
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".