Xabi Alonsoren absoluzioa baliogabetu egin du Madrilgo Justizia Auzitegi Nagusiak
Madrilgo Auzitegi Nagusiak aintzat hartu ditu hein batean fiskalak eta Estatuko abokatuak Xabi Alonso futbolari ohi eta entrenatzailearen absoluzioaren aurka aurkeztutako helegiteak, eta Madrilgo Probintzia Auzitegira itzuli du auzia beste arrazoi juridiko batekin epai dezaten. Alonsoz gain beste bi pertsona daude auzipetuta, Ogasunari 2010, 2011 eta 2012an ia bi milioi euroko iruzurra egitea leporatuta.
Ivan Zaldua eta Ignasi Maestre dira beste bi auzipetuak. Azkena Kardzali enpresaren administratzailea zen. Egoitza Madeiran (Portugal) zuen elkarteak, eta bertan zerga gutxiago ordaintzen zirenez, futbolari ohiak haren esku utzi zituen irudi eskubideak 2009an, Liverpooleko jokalari zela, Real Madrilera joateko eskaintza jaso zuenean.
Fiskaltzaren arabera, operazio hori zergak saihesteko simulazioa izan zen, eta, hori dela eta, bi urte eta erdiko kartzela-zigorra eskatzen du auzipetu bakoitzarentzat. Fiskaltzak uste du Auzitegiak ez zuela frogen azterketa zuzena egin, eta elementu batzuen kontraesanak ez zirela agerian geratu epaiketan.
Kasua aztertu ostean, Justizia Auzitegi Nagusiak uste du ebazpenean "motibazio defizita" dagoela, eta "barne inkongruentzia konponezina".
Horren hitzetan, "Kardzaliri eskubideak eman izana egiazkotzat hartzen bada, auzipetutako ekintzak ez lirateke delitua izango, aipatu onurak ez liratekeelako zergapekoak" Alonsoren PFEZaren barruan, legearen arabera.
Horren aurrean, Madrilgo Auzitegi Nagusiak "barne inkongruentzia" atzematen du puntu horretan; izan ere, ebazpenean argi azaltzen denez, "lege hori ezin zaio aplikatu Real Madrilekin zuen lan-harremanetik aparte irudi eskubideen bidez irabazitakoari: 685.900 euro 2010ean, 363.000 euro 2011n, eta 1.034.500 euro 2012an".
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.