Fiskaltzak Xabi Alonsoren absoluzioa errekurritu eta epaiketa errepikatzea eskatu du
Madrilgo Fiskaltzak iruzur fiskalagatik Xabi Alonso Realeko jokalari ohia absolbitu zuen ebazpenaren kontrako errekurtsoa aurkeztu du Madrilgo Auzitegi Nagusian, eta epaiketa berriro egitea eskatu du, iturri fiskalek jakinarazi dutenez. Alonso urrian epaitu zuten Ogasun Publikoaren kontrako hiru delitu egotzita (2010, 2011 eta 2012ko ekitaldiei zegozkienak).
Alonsoren absoluzioa ez ezik, Ivan Zaldua eta Ignasi Maestre aholkulariena ere errekurritu du Fiskaltzak. Ministerio Publikoaren arabera, "epaimahaiak ebazpenean egindako proben balorazioa ez da zuzena, eta epaiak ez du arrazionaltasun juridikorik".
Madrilgo Lurralde Auzitegiko magistratuek Fiskaltzaren tesiaren kontra egin zuten euren ebazpenean, eta ondorioztatu zuten Alonsok egindakoa orduko hartan indarrean zegoen zerga araudiaren "araberakoa" izan zela, eta ez zuela deliturik egin. Fiskaltzarentzat, ordea, Ogasun Publikoaren kontrako delituak egin zituen jokalari ohiak, eta zigor eskaera jaitsi bazuen ere (bost urtetik bi eta erdira), zigortu beharra zegoela argudiatu zuen.
Fiskaltzaren esanetan, "epaian jasotako froga batzuk ez ziren ahozko epaiketan egiaztatu, are, epaimahaiak ebazpenean egindako proben balorazioa ez da zuzena".
Fiskaltzak uste du frogek argi utzi dutela Kardzali enpresaren (Alonsok Madeiran sortutako sozietate horri laga zizkion irudi-eskubideak) egiteko "bakarra" Espainian zergak ez ordaintzea zela. Hortaz, "erabateko simulazioa" zuen helburu, betiere fiskalaren arabera.
Epaiak ondorioztatu duenez, hainbat enpresek Kardzali sozietatearen bidez ordaindu zioten Xabi Alonsori. Horren aurrean galdera botatzen du Fiskaltzak: "Zergatik ordaindu zioten irudi-eskubideak lagata bazituen?". Fiskaltzaren iritzian oso datu deigarria da hori, eta baieztatuko luke sozietate hori "diru-sarrerak eta ordainketak egitek tresna hutsa" zela.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.