Amiantoagatik hildako langile baten familia indemnizatu beharko du Izar enpresak
Amiantoa arnasteagatik pleurako minbiziak jota hil zen Izar enpresako langile baten familiak ezarritako salaketa onartu du Bilboko Lan-arloko 3. epaitegiak. Hain zuzen ere, Eusebio Herrerias Urieta azpikontratarentzat egiten zuen lan, ASVIAMIE amiantoaren biktimen elkarteak jakitera eman duenez.
Epaiak bi enpresak zigortu ditu. Guztira, 149.161 euroko kalte ordaina eman beharko diote behargin horren sendiari (20.100 euro semeetako bakoitzari eta 102.570 euro haren alargunari). Gainera, 6.440 euroko interesak ordaindu beharko dituzte. Atefrisa enpresa, aldiz, absolbitu egin dute froga faltagatik.
Soldatzaile lanetan aritu zen biktima Astilleros Españoles konpainian (geroago Izar izango zena, eta azkenean La Navalek hartu zuena) 1966ko urtarrila eta 1967ko otsaila bitartean. 1968tik 1971ra, berriz, Atefrisan jardun zuen, La Navaleko langile bihurtu zen arte.
2019ko maiatzean hil zen langilea, 74 urte zituela, pleurako minbiziak eta beste patologia batzuek jota. Baliaezintasuna eta alarguntza pentsioa aitortu zizkioten aspaldi, lanean garatutako gaixotasun bat zeukalako.
Salaketaren berri izan zuenean, Izarrek ez zuen ukatu ontziolan amiantoarekin lan egiten dutenik, baina arrazoitu zuen behargin horrek bestelako patologiak zeuzkala (asma eta garuneko hodietako istripua), alegia, ez dagoela argi minbiziak hil zuenik. Gainera, enpresak argudiatu zuen tabakismoak haren gaixotasuna larriagotu zuela.
Epaiak, ostera, argi utzi du langileak 1986an utzi zuela tabakoa, hots, 33 urte lehenago, eta beraz, tabakismoak ez zuela haren heriotzarekin zerikusirik izan.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.