Bulebar batek eta zubi batek Bilbo, Eskuinaldea eta Barakaldo lotuko dituzte 2024an
Unai Rementeriak, Bizkaiko Ahaldun Nagusiak, iragarri duenez, Getxo, Leioa, Erandio eta Bilbo lotuko dituen bizikletentzako eta oinezkoentzako bulebar bat eraikiko da itsasadarraren ertzetik. Gainera, Erandio eta Barakaldo lotuko dituen oinezkoentzako eta bizikletentzako zubi bat egingo dute. Bi azpiegitura horiek 36,5 milioi euroko inbertsioa izango dute, eta 2024. urtearen amaieran erabili ahal izango dira.
Astearte honetan egin den aurkezpenean, Ahaldun Nagusiarekin batera, Barakaldoko (Amaia del Campo), Bilboko (Juan Mari Aburto), Erandioko (Aitziber Oliban), Getxoko (Amaia Agirre) eta Leioako (Iban Rodriguez) alkateak izan dira, baita Imanol Pradales Azpiegituretako eta Lurralde Garapenerako foru diputatua ere.
Zubia eta bulebarra eraikitzea Bizkaiarentzako funtsezko proiektua dela esan du Rementeriak, Bilbo itsasadarreko udalerrietara zabaltzeko apustuaren parte baita. Halaber, zubiak eta bulebarrak 600.000 biztanle ingururen mugikortasun aukerak hobetzen dituztela adierazi du, ingurumena eta bizi-kalitatea errespetatuz.
Gaur egun, Azpiegituretarako eta Lurralde Garapenerako saila eraikuntza-proiektua lantzen ari da, zubiaren eta bulebarraren ezaugarriak eta trazadurak definituko dituena, eta 2022ko bigarren erdian aurreikusten da obrak hastea.
Ingeniaritza proiektuak emango duen definizioaren zain, Rementeriak aurreratu du bulebarrak ahalik eta zabalera handiena izango duela eta oinezkoentzako eta bizikletentzako espazio bereiziak izango dituela. Trazadura laua eta zuzena izango da eta itsasadarraren ondotik igaroko da zazpi kilometrotan zehar. Ahaldun Nagusiak aurreratu duenez, azpiegitura berriaren gune batzuk itsasadarraren gainean egin beharko dira. Bulebarrra egiteko aurreikusitako inbertsioa 20 milioi eurokoa da.
Zubian, berriz, 16,5 milioi euro inbertituko dira, eta bizikletek eta oinezkoek soilik erabiliko ahalko dute. Zubi mugikor gisa planteatzen da, itsasadarrean ontziak Erandio eta Barakaldo artean nabigatzea ahalbidetuko duena.
Bai zubia, bai bulebarra, Bredako Unibertsitateko bizikleta-mugikortasunean adituak diren nazioarteko taldearen eta Dutch Cyclist Embassyren eta Bizkaiko bizikletaren talde bultzatzailearen ezagutza eta esperientziarekin definituko dira.
Zure interesekoa izan daiteke
Pirinio Atlantikoetako prefektak debekatu egin ditu datozen orduetarako deituta zeuden laborarien protesta guztiak
Ipar Euskal Herriko laborarien asmoa zen protestak asteazkenera arte luzatzea, baina Jean-Marie Girier prefetaren ohartarazpenak egoera alda lezake. Jakinarazi dutenez, datozen orduetan emango dute azken erabakiaren berri.
Balenciaga ontziolako beharginak astelehen honetan itzuliko dira lanera
Abu Dhabi Ports arabiar taldearen agindupean arituko da aurrerantzean Zumaiako ontziola. Abenduan itxi zuten langileek eta arabiar taldeak salmenta. Adostutakoaren arabera, soldatak % 5 jaitsiko dizkiete, eta hiru urtez izango dituzte izoztuta.
Laborarien protestak ez dira amaitu Ipar Euskal Herrian, eta A-63 errepidea itxita dago oraindik
Sindikaturik gabeko Ultra 63 mugimenduko langileek Mercosurren akordioa eta dermatosi nodularraren kontra akabatze masiboak bertan behera uzteko eskatu dute. Laborariak Pirinio Atlantikoetako prefetarekin bildu dira, eta batzar emankorra izan da, baina protestekin jarraitzea ebatzi dute.
Eusko Jaurlaritzak uste du Mercosurrekiko akordioa "aukera argia" dela euskal industriarentzat
Muga-zergak pixkanaka kentzeak euskal enpresei kostuak "nabarmen" murriztea ekarriko diela azpimarratu du.
Akordioa Mercosurrekin: zer da eta nola eragingo dio Europari?
Europa osoko nekazariek asteak daramatzate protestan, besteak beste, EBk Mercosurrekin lortu duen eta herrialde kideek onartu duten akordioagatik. Itun ekonomiko honek Hego Amerika eta Europaren arteko merkataritza arautuko du, eta sektore batzuei mesede egiten die eta beste batzuei kalte egin diezaieke.
EBren eta Mercosurren arteko akordioak "eragin larria" duela ohartarazi dute ENBA eta UAGN abeltzaintza elkarteek
"Brasildik edo Argentinatik datorren okela merkaturatzea ahalbidetuko duen agertoki baten" ondorioen aurrean ohartarazi du erakundeak; euskal ustiategi batek dituen "ekoizpen-kostuen oso azpitik" finkatzen baitu prezioa.
A63ak itxita jarraitzen du Baionako tartean nekazarien protestengatik baina auto-ilarak desegiten doaz
Pirinio Atlantikoko Prefeturak jakinarazi duenez, 02:00etan 80 nekazari asindikalek, 60 traktore erabilita, A63 autobidea blokeatu dute Baiona iparraldeko lotunearen parean eta goizetik arazo handiak izan dira inguruetan. Gainera, Prefeturak Biriatuko muga itxi du 7.500 kilotik gorako kamioientzat bi noranzkoetan. Jaurlaritzak EAEko errepideetatik igarotzeko debekatu die 7.500 kilotik gorako kamioiei Frantzia aldera.
Alberto Martinez, medikuen grebari buruz: "Bi urteren eta 12 zirriborroren ondoren, akordio batera iristeko unea da"
Alberto Martinez Osasun sailburuak gogorarazi duenez, langile estatutarioen harremanen esparrua ezartzen duen Estatutu Markoa "Osasun Ministerioaren eskumen esklusiboa da, eta Ministroen Kontseilura eta, ondoren, Kongresura eraman behar du, onar dezan". Horren ildotik, Osasun Saila "Estatutu Markotik kanpo ateratzen den guztia" negoziatzeko moduan dagoela esan du.
EBko herrialdeek oniritzia eman diote Mercosurreko herrialdeekin akordioa sinatzeari
Ezezkoa eman dute Frantziak eta Hungariak, besteak beste.
Nekazariek eta abeltzainek ohartarazi dute EBren eta Mercosurren arteko balizko akordioaren aurkako mobilizazioak "areagotuko" dituztela
Hala iragarri du Raul Beitia Atacako presidenteak (Trebiñuko eta Arabako nekazarien eta abeltzainen elkarte independentea), Nekazaritza Politika Komun berriaren aurkako bigarren protesta egunean. 50 bat traktorek elkarretaratzea egin dute Eusko Jaurlaritzaren aurrean, Gasteizen, Gobernuaren Ordezkariordetzara eramango dituen beste martxa bat egin aurretik.