Ostalariek sektorea erreskatatzeko plan baten beharra azpimarratu dute
Arabako, Bizkaiko eta Gipuzkoako ostalaritza elkarteak gustura agertu dira EAEko Justizia Auzitegi Nagusiak hartutako erabakiarekin, gune gorrian dauden taberna eta jatetxeak irekitzeko aukera emango dielako, eta covid-19ari aurre egiteko neurriek eragindako "galderak arintzeko" eta sektorea erreskatatzeko plan baten beharra berretsi dute.
Ohar bateratu batean azaldu dutenez, Auzitegiak onartu egin du elkarteek eskatutako kautelazko neurria ezartzea lehendakariaren dekretua bertan behera uzteko.
Ostalariek aurkeztutako helegitean establezimenduak irekitzea eskatzen zen "kalte ekonomikoa larria" eta "konpontzeko zaila" izango zelako.
Gainera, uste dute "agerian" geratu dela "ostalaritza irekitzeak ez dituela kutsatzeak ugaritzen, eta hartutako neurriak egokiak" direla. Horregatik, "ez dago justifikatuta" Eusko Jaurlaritzak hartutako neurria.
Hala, EAEko ostalaritza elkarteek proposatutako kautelazko neurria onartzea erabaki du Auzitegiak, eta gune gorriko establezimenduen irekiera baimendu du.
Gustura
Auzitegiak hartutako erabakiarekin "gustura" agertuta ere, ostalariek sektorea erreskatatzearen beharra azpimarratu dute, "pandemiaren zabalkundea kontrolatzeko ezarritako jardueraren mugek eragindako kaltea arintzeko".
Agiria kaleratu aurretik, autoaren berri izan eta berehala, Euskal Autonomia Erkidegoko ostalarien elkarteek Justizia Auzitegi Nagusiaren erabakia txalotu dute.
Bizkaiko, Gipuzkoako eta Arabako ostalarien elkarteetako ordezkariek agerraldia egin dute Legebiltzarrean, sektore horretan bizi duten egoeraren berri emateko, eta EAEko Justizia Auzitegi Nagusiak gaur bertan emandako ebazpena hartu dute mintzagai.
Agerraldian, Luis Cebrianek, Hector Sanchezek eta Kino Martinezek hitz egin dute Arabako, Bizkaiko eta Gipuzkoako ostalarien izenean.
231 milioi euroko erreskate-plan bat eskatzeaz gain, pozik agertu dira hirurak Justizia Auzitegi Nagusiaren erabakiarekin.
Bizkaiko Ostalarien Elkarteko gerenteak, bere aldetik, esan du "pena" dela kontu horiek "auzitegietara" eraman behar izatea.
"Zentzuz" jokatuko dute
Esan bezala, Sanchez atsekabetuta agertu da ez dutelako gatazka "akordio" bidez eta "zentzuz" konpondu.
Haren hitzetan, gaurko ebazpena "albiste ona" da, sektorean "justizia" aplikatu dutelako. Halaber, azpimarratu du herritarren osasuna ziurtatze aldera, berme guztiekin berrekingo diotela jardunari.
Madril dute eredu
"Madrilen ostalaritzak ez ditu ateak itxi, eta hango egoera ez da beste toki batzuetakoa baino okerragoa", baieztatu du Sanchezek.
60.000tik gora langile
Luis Cebrianek ere hartu du hitza agerraldian. Legebiltzarreko gaurko saioan parte hartu duten elkarteek 13.628 establezimendu eta 60.000 behargin ordezkatzen dituztela esan du Cebrianek.
Bestalde, argi utzi du sektore horretan lanean dabiltzanen helburu bakarra "bizirautea" dela. Horregatik, beharrezkotzat jo du diru-laguntzen plan berri bat abiatzea, "enplegua eta iraunkortasun ekonomikoa bermatzeko".
Ildo horretan, 230 milioi euroko diru-laguntza programa bat eskatu du Arabako ostalarien ordezkariak, orain arte jasotako laguntzekin nahikoa ez dutela arrazoituta.
Albiste gehiago ekonomia
Espainiako Gobernuak ez du onartu aireportuen kudeaketa osoa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina osorik eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.