Lan Ikuskaritzak 18.000 jarduketa egin zituen Euskadin 2020an
Lan Ikuskaritzak, iaz, 18.004 jarduketa egin zituen Euskadin, eta, horien ondorioz, 794 arau-hauste atzeman zituzten, eta horien zehapenak 3,5 milioi eurokoak izan ziren. Horietatik 5.000 inguru covid-19aren pandemiaren aurrean langileak babesteko jarduketak izan ziren.
Lan eta Gizarte Segurantzako sailburuordea, Elena eérez Barredo, Eusko Jaurlaritzaren Bilboko egoitzan agertu da gaur, iazko Lan Ikuskaritzaren balantzea aurkezteko. Ekitaldi horretako jarduera pandemiaren agerpenak markatu du. Lan Ikuskaritzako zuzendariorde Iciar Gonzalezek lagunduta, sailburuordeak hilabete hauetan Ikuskaritzak egindako lan itzela nabarmendu du, "enpresei lanera segurtasun-neurri nahikoekin itzultzen lagunduz".
Urte atipiko baten ondoren, Perez Barredok azpimarratu du Lan Ikuskaritza "funtsezko tresna dela kalitatezko enpleguaren aldeko borrokan, eta funtsezko erakundea legea ez betetzea baino zerbait gehiago diren legez kanpoko jarduketak jazartzeko, langileentzat ondorio larriak dakartzatelako".
Hori dela eta, aurreratu du 2021ean zabaldu egingo dela kontratazioko iruzurraren aurkako borroka, eta behin betiko kontratazioa ezkutatzen duten aldi baterako eta lanaldi partzialeko kontratuak bihurtuko direla. Era berean, lan-merkatuan gizonen eta emakumeen arteko eskubide-berdintasunarekin zerikusia duten kanpainetan jarriko da arreta, bereziki berdintasun-planen kontrolean, martxotik aurrera ehun langiletik gorako enpresetara zabalduko direnak; amatasunaren arloko betebeharretan, eta ordainsari-desberdintasuneko kanpainan.
2020ko balantzeari dagokionez, urtean zehar 18.004 jarduketa egin ziren, horien % 27,5 (4.965), covid-19k eratorritakoak. Kopuru horren zati handi bat (2.985) arrazoi ekonomiko, tekniko, antolamenduzko edo produkziokoek eragindako ERTEekin lotuta egon da, horiek baitira espediente konplexuenak behar dituztenak. Gainera, ezinbesteko 1.163 aldi baterako enplegu-erregulazioko espedienteen jarduketak egin dira (jarduera eragoztea edo mugatzea). Gainera, 647 jarduera egin dira koronabirusaren eraginpean egoteko arriskuagatik, eta 170 errekerimendu egin dira, nahiz eta hautemandako arau-hausteak 8 baino ez diren izan.
Egindako jardueren balantzea aurkezpena. Argazkia: irekia.
Segurtasunerako eta osasunerako eskubidea betetzen dela zaintzeari dagokionez, 4.711 jarduketa egin dira, eta horietatik 1.835 eraikuntzarekin lotuta daude modu batera edo bestera, sektore horretan gertatzen baitira istripu gehien eta larritasun handienekoak. Herri-lanari dagokionez (676 jarduketa), bosten batean errekerimenduak egin dira, baina ez da zehapenik ezarri.
Beste eremu batzuetan gertatu den bezala, pandemiak eragin handia izan du 2020an aurreikusitako jarduketa-planetan, berdintasunaren sustapenari dagokionez. Izan ere, kanpaina hori ezin izan da 150 langile baino gehiagoko enpresetara zabaldu, 2020ko martxoaz geroztik nahitaezkoa, une horretan hasi baitzen konfinamendua. Aurrera egin da 250 langile baino gehiagoko enpresetan. Gainera, hotel-establezimenduetako gelak garbitzeko zerbitzuaren ikuskapena geldiarazi zen, zeinean 2017az geroztik Euskadi aitzindaria izan den. Urtarrilean eta otsailean 18 jarduketa baino ez ziren egin.
Iaz egindako 18.004 jarduketen ondorioz, 794 arau-hauste hauteman dira, eta, guztira, 3,5 milioi euroko zehapenak ezarri dira. Hala ere, Lan Ikuskaritzak azpimarratu duenez, bere helburua "ez da zigortzea, eskubideak bermatzea baizik". Hori dela eta, nabarmendu behar da errekerimenduen bosten bat baino ez dela zehatu. "Horrek esan nahi du irregulartasunak zuzentzen direla", amaitu dute.
Lan-iruzurraren aurkako borrokari dagokionez, enplegurako hain latza izan den urtean, 10.000 kontratu baino gehiago berrikusi dira, eta horien herena eraldatzea lortu da (3.047. Generoaren arabera, % 58,65 emakumeak ziren eta % 41,35 gizonak, eta % 15 inguru lanaldi partzialeko kontratuak ziren, lanaldi osokoak izatera igaro direnak. Eraldatutako gainerako kontratuak aldi baterakoak ziren, eta mugagabeak izatera igaro dira. 2017. urtearen erdialdean horretarako kanpaina espezifikoak abian jarri zirenetik, 19.763 kontratu erregularizatu dira.
Era berean, Elena Perez Barredo sailburuordeak ziurtatu du Lan Ikuskaritzak zeregin garrantzitsua izango duela laster onartuko den 2030erako Enpleguaren Euskal Estrategian, enplegu inklusiboa eta kalitatezkoa helburu izango duena.
Zure interesekoa izan daiteke
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.