BBVA aseguruek 594,7 milioiko irabaziak izan dituzte 2020an, % 98,8 gehiago
BBVA aseguruek 594,7 milioi euroko irabaziak izan zituzten 2020ko ekitaldian, hau da, aurreko urtean baino % 98,5 gehiago, konpainiak berak jakitera eman duenez. Era berean, aparteko mozkinik gabeko irabazia aurreko ekitaldikoaren antzekoa izan zen.
Erakundearen arabera, kopuru horri Allianzekin egindako aliantza estrategikoaren eragina gehitu behar zaio, 304 milioi euroko gainbalio garbia eragin baitzuen.
BBVAk 2020an Espainiako Estatuan izandako aseguru jarduerari dagokionez, bizi-aseguruak ez diren aseguru-primak 485 milioi euroraino iritsi ziren; beraz, % 1,7eko hazkundea izan zuten urtebetean.
Hazkunde hori gehien bultzatu zuten negozioen artean, hauek daude: etxebizitza aseguruak (% 3 hazi ziren, 248 milioi euroraino), osasun aseguruak (% 9 egin zuten gora, 187 milioi euroraino) eta autoen aseguruak (% 2 handitu ziren, 111 milioi euroraino).
Heriotza-aseguruen primen bidez izandako diru-sarrerak, aldiz, % 11 murriztu ziren, 407 milioiraino, eta BBVA aseguruek guztira jaulkitako primak % 21 murriztu ziren, 1.129 milioi euroraino.
Konpainiaren esanetan, beherakada horren arrazoiak hauek dira: konfinamenduan jarduera txikiagoa izatea, banakako aurrezki-aseguruak ez merkaturatzea interes-tasa baxuen testuinguru jarraituagatik eta BBVA Allianz aseguruak konpainia berriari bizi-aseguruak ez direnen ekarpenagatik.
Zure interesekoa izan daiteke
Jaurlaritzak beste hamar urteko lizentzia eman dio Balenciaga ontziolari itsas jarduerarekin jarraitzeko
22.400 metro koadroko lursail bat utziko diola iragarri du Elikadura, Landa Garapen, Nekazaritza eta Arrantza Sailak. Lursail horren erabilera itsasontziak eraikitzera eta konpontzera mugatu du Jaurlaritzak. Balenciaga ontziolak 10 eguneko epea du baimen hori ordaintzeko edo alegazioak aurkezteko.
Arabako Foru Aldundiak eta Elkarrekin Ahal Dugu Ezker Anitza-IUk 2026ko aurrekontuak adostu dituzte
Ituna segurutzat jotzen zen alderdi moreak joan den ostiralean osoko zuzenketa erretiratu ondoren, baina erabat itxi gabe zegoen. Astelehenean emango ditu alderdi moreak akordioaren xehetasunak.
Frantziako Gobernuak astelehen honetan hasiko du hego-mendebaldeko milioi bat behi dermatosiaren aurka txertatzen
Bitartean, Ipar Euskal Herrian laborariek mobilizazioekin jarraitzen dute. Prefeta Confederation Paysanne eta ELB sindikatuetako ordezkariekin bilduko da astelehen arratsaldean Pauen.
Gasteizko Mercedeseko langileak ordubeteko lanuztera daude deituta txanda bakoitzean astelehenetik ostegunera
Bihar, astelehena, hasiko dituzte lanuzteak, baina mobilizaziorik gabe. Asteartean eta ostegunean, ordea, elkarretaratzeak egingo dituzte 14:15ean, txanda aldaketekin batera, lantegiaren kanpoaldean.
Bizkaiko eta Gipuzkoako arrantzaleek balorazio gazi-gozoa egin dute EBk ezarritako arrantza kuoten inguruan
Erdietsitako akordioa albiste txarra da Ondarroako alturako ontzientzat, besteak beste, legatzaren eta oilarraren kuotak jaitsi dituztelako. Kaltetuenak, baina, berdela amuarekin arrantzatzen duten ontzi txikiak dira, % 70 murriztu baitute harrapaketen kopurua. Baxurako arrantzaleentzat, aldiz, akordio “positiboa” da, hegaluzearen kuotari eutsi egin diotelako eta atun gorriarena eta antxoarena handitu direlako.
Ipar Euskal Herriko laborariek A64a blokeatu dute dermatosi nodularraren aurkako neurriak salatzeko
Mobilizazioak bart abiatu dituzte, errepidean traktoreak eta lasto fardoak jarrita. Gaixotasuna kontrolatzeko, neurri zorrotzak hartu ditu Frantziako Gobernuak, eta kasuren bat agertuz gero, etxaldeko behi guztiak hiltzeko agindua eman du. Abeltzainek astelehenera arte jarraituko dute protestan, Macronen gobernuari euren “haserrea” helarazteko.
Jaurlaritza berdelaren kuota murrizteak eragingo dituen galerak arintzeko neurriak bilatzen ari da
Bilerak deituko ditu kuota berrien eragin ekonomikoa aztertzeko eta galerak arintzen lagunduko duten neurriak aztertzeko. Gainera, beste espezie batzuentzat ere murrizketak aurreikusi ditu Europar Batasunak.
EBk % 73 murriztu du berdelaren kuota 2026ko lehen sei hilabeteetarako
Antxoari dagokionez, albiste onak euskal arrantzaleentzat, gehieneko muga baimendu baita (29.700 tonako harrapaketak). Onartutako kuotak ekainera arte egongo dira indarrean, negoziazio berrien zain.
EBk 3 euroko tasa ezarriko die uztailetik aurrera Shein eta Temu plataformetan egindako erosketei
2028rako aurreikusitako behin betiko muga-zergen erreforma indarrean sartu arte egongo da indarrean. Erreforma horren bidez, EBk amaiera eman nahi dio 150 eurotik beherako balioa duten produktuak muga-zergak ordaintzetik salbuetsita egoteari.
Aurreko egunetako antzerako jarraipena izan du medikuen grebak ostiralean EAEn
Osakidetzak emandako datuen arabera, goizeko txandan % 19,63k egin du lanuztea eta arratsaldekoan, berriz, %9,22k.