Administrazio publikoan behin-behinkotasuna murrizteko legea azaldu du Garamendik
Olatz Garamendi Gobernantza Publiko eta Autogobernu sailburuak agerraldia egin du Legebiltzarrean, administrazio publikoan behin-behinekotasuna murrizteko eta lanpostuak egonkortzeko Eusko Jaurlaritzak joan den abenduan onartu zuen lege-proiektuaren xehetasunak azaltzeko.
Garamendik onartu du Euskal Autonomia Erkidegoko administrazio publikoan behin-behinekotasun tasak "altuak" direla eta "arazo horri aurre" egin behar zaiola.
Sailburuak uste du araudi berriarekin lantaldeak "hobeto ordenatuko" direla eta beharginek lanpostua egonkortzeko aukera izango dutela.
Etorkizuneko legeak gaur egungo talde eta azpitaldeen kopurua sinplifikatu nahi du; beraz, 2 kidego profesional egongo dira, eta, horien barruan, 54 eskala:
Kidego orokorra: administrazio-jarduerari lotutako eginkizunak betetzen dutenak hartuko ditu barnean. Kidego horrek lau eskala profesional izango ditu: administrazioko goi mailako eskala, administrazio kudeaketakoa, administraziokoa eta administrazio-laguntzakoa .
Kidego berezia: lanbide bati edo lanpostu jakin batzuei buruzko ezagutza espezifikoa eskatzen duten eginkizunak betetzen dituena. Kidego honek 50 eskala profesional bereiziko ditu, hala nola, farmazia, meatzeak, haziak, juridikoa, kartografikoa, medikuntza, hirigintza...
Lege proiektuak bi xedapen gehigarri ditu eta horiei esker lan-eskaintza publikoetan sartzeko txanda bereziak sortu ahal izango dira, deitutako plazen kidego eta eskaletan gutxienez zortzi urteko antzinatasuna egiaztatzen duten behin-behineko langileentzat.
Behin-behineko langileak plantillaren % 40 baino gehiago direnean zabalduko da aukera. Prozesuak proba praktiko bakarra izango du, deialdi bakoitzeko lanpostuetako ohiko prozedurekin, zereginekin eta eginkizunekin lotuta. Lehiaketa-oposizioen barruko kanporaketa-proba izango da.
Praktikan, enplegua finkatzeko bide bat izango da, gaur egun bitarteko langileek betetzen dituzten eta administrazioan balio handiko esperientzia eta ezagutza ematen duten lanpostuetan. Arau honek beharrezko estaldura emango dio prozesu honi berme juridikoarekin aurre egiteko, beti ere Funtzio Publikoan zuzendu behar diren berdintasun, merezimendu eta gaitasun printzipioak errespetatuz.
Oposizioko taldeek hausnarketa sakonagoa eta adostasunak behar direla azpimarratu dute
Bestalde, talde parlamentarioen txandan, Pacis Garcia EH Bilduko ordezkariak esan du administrazio publikoan behin-behinekotasun tasa “onartezina” dela eta erantsi du “arazo konplexu” honek adostasunak eskatzen dituela. Hala, gogora ekarri du Jaurlaritzaren egitasmoak ez duela gehiengo sindikalaren babesa.
Jon Hernandez Elkarrekin Podemoseko legebiltzarkideak ekimena positibotzat jo du, langileei lanpostua egonkortzeko aukera ematen zaielako, baina ohartarazi du arazo honi konponbidea emateko “neurri gehiago” eta “politika ezberdinak” ezinbestekoak direla.
Luis Gordillo PP+Cs koalizioko parlamentariaren iritzian, Eusko Jaurlaritzak “analisi zorrotzagoa” egin beharko luke behin-behinekotasun tasa altu hori zeren ondorio den argitzeko eta lan-deialdi publikoak egiteko prozesua berraztertu beharko litzatekeela gaineratu du.
Zure interesekoa izan daiteke
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.