1.702 langabe gutxiago zenbatu dituzte EAEn, eta 1.261 gehiago Nafarroan
441 langabe gutxiago zenbatu dituzte Hego Euskal Herrian otsailean, 1.702 gutxiago Euskal Autonomia Erkidegoan (EAE) eta 1.261 gehiago Nafarroan, Espainiako Lan Ministerioak astearte honetan zabaldutako datuen arabera.
Otsailean urtarrilean baino 1.702 langabe gutxiago (% 1,30) zenbatu dituzte Euskal Autonomia Erkidegoan; guztira, 129.028 pertsona zeuden enplegurik gabe.
Iazko otsaileko datuekin alderatuta, orduan baino 11.789 langabe gehiago zenbatu dituzte, % 10,06 gehiago.
Datuak lurraldez lurralde aztertuta, % 1,45 jaitsi da langabezia Araban, 21.855 langabe zenbatu baitituzte guztira (321 langabe gutxiago); % 1,65 egin du behera Gipuzkoan, 34.399 langabe zenbatu baitituzte (576 gutxiago); eta % 1,09 Bizkaian, 72.774 zenbatu baitituzte (805 gutxiago).
Aurreko otsaileko datuekin alderatuta, langabezia % 13,01 hazi da Araban (2.516 langabe gehiago), % 10,88 Gipuzkoan (3.374 langabe gehiago) eta % 8,82 Bizkaian (5.899 langabe gehiago).
Alfonso Gurpegui Enplegu eta Gizarteratzeko sailburuordearen esanetan, "nahiz eta urteak oso gogorra izaten jarraitzen duen eta enpresa eta langile batzuk gaizki pasatzen ari diren", baldintzak betetzen dira Euskadin kalitatezko enplegua berreskuratzen hasteko.
Langabeziaren datuen berri izan ostean esan duenez, ehun ekonomikoa "erresistentziarako gaitasun oso sendoa erakusten ari da", eta hilabete honetako enpleguaren susperraldiak krisirik ez zegoen beste urte batzuetako otsaileko datuen antzekoak direla azpimarratu du.
Nafarroan gora egin du langabeziak. Otsailean urtarrilean baino 1.261 langabe gehiago zeuden (% 3,02 gehiago). Horrek esan nahi du guztira 42.986 langabe zeudela Nafarroan hilabete horretan.
Urtebetean 9.011 langabe gehiago (% 26,52) zenbatu dituzte Nafarroan.
Estatuan, 44.436 pertsona gelditu ziren lanik gabe otsailean. Gaur-gaurkoz 4.008.789 langabe daude, 2016ko apiriletik izandako kopururik handiena.
"Arnasaldia" ikusi du ELAk otsaileko datuetan
ELA sindikatuak uste du krisi ekonomikoak "arnasaldia" eman diola enpleguari EAEn, langabezia-tasak behera egin baitu, baina, horren esanetan, "agenda soziala" bultzatu beharra dago lan-erreformari aurre egiteko. Halaber, mobilizatzeko deia egin du, "kaleratze masiboak" ez izateko.
Lan Zerbitzu Publikoak argitaratutako datueak ikusita, 441 pertsona gutxiagok eman dute izena Lanbiden iragan hilabetean. Guztira, beraz, 172.014 lagun daude lanik gabe Hego Euskal Herrian gaur egun.
CCOO: "Susperraldiaren lehen zantzuek kanpoan utzi dute emakumea"
CCOO sindikatuak ohartarazi du susperraldiaren lehen zantzuek kanpoan utzi dutela emakumea; izan ere, diru-sarrerak bermatzeko errenta jasotzen duten hamar pertsonatik zazpi emakumeak dira.
Ohar baten bidez, sindikatuak nabarmendu du otsailean EAEn zeuden 129.028 langabeen % 55,7 emakumeak direla. "Garbi dago emakumeak direla unerik zailenetan lan merkatutik ateratzen lehenak eta bertara itzultzen azkenak", adierazi du.
Zure interesekoa izan daiteke
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.
Euskal partzuergoak Ayesa Digital erosi du
Iñigo Ucin presidente ez-exekutibo eta Manuel Baraza kontseilari delegatu ariko dira. Operazioan, Indar Karterak, BBK-k, Eusko Jaurlaritzak, Vital Fundazioak eta Tekneik osatutako partzuergoak Ibermatica zena erosi du.
Euriborra % 2,565era igo da, 2022ko urritik izan duen hileko hazkunderik handiena
Ekialde Hurbileko gerrak petrolioaren eta gasaren prezioetan eragin dituen igoerek ziurgabetasuna eraman dute merkatuetara eta inflazioaren beldurra zaldu dute banku zentraletan. Ondorioz, hipoteka aldakorrak kalkulatzeko erabiltzen den indizea gora begira jarri da.
Etxebizitzen prezioa % 12,8 igo da Euskadin, eta % 16, Gipuzkoan
Hala, EAE Espainiako hirugarren erkidego garestiena da, metro koadroko 2.631 euroko batez besteko prezioarekin.
Jaurlaritzak elektrizitate-sorkuntza berriztagarria bikoiztuko du 2030era arte, 80 milioiko inbertsio publiko-pribatuarekin
Horrekin batera, 'Lehentasunezko jarduketa-eremuak' izeneko dokumentu bat diseinatu du Jaurlaritzak, parke eolikoak eta fotovoltaikoak "modu errealista eta arrazionalean" hedatzeko. Guztira, eguzki-energiako eta energia eolikoko 11 'planta handi' aurreikusten dira 2030erako.