Legebiltzarrak oniritzia eman dio oinarrizko errenta arautzeko sinadura-bilketari
Eusko Legebiltzarreko Mahaiak tramitera onartu du EAEn "baldintzarik gabeko oinarrizko errenta" sortzea helburu duen Herri Ekimen Legegilea (HEL), eta orain Legebiltzarrean eztabaidatzeko behar diren 10.000 sinadurak biltzeko epea irekiko da.
Gasteizko Ganberako zerbitzu juridikoek ere onarpena eman diote txosten batean, ekimenak baldintza guztiak betetzen dituelako: ez dago helburu bera duen lege proposamen edo proiekturik izapidetze prozesuan, eta HELa ez dago mota horretako ekimenentzat aurreikusitako alorretatik kanpo.
Orain, Herri Ekimen Legegilearen sustatzaileek lau hilabeteko epea dute 10.000 sinadura bildu eta Legebiltzarrean izapideekin jarraitzeko.
Erabakiaren jakinarazpen ofiziala jasotzen dutenean hasiko da epea, eta beste bi hilabete luza liteke "aparteko arrazoiren bat" balego.
Iragan otsailaren 18an sartu zuen ekimena Legebiltzarrean pobreziaren eta bazterketaren aurkako ekintzaileek osatzen duten plataformak.
Herri Ekimen Legegileak EAEko herritar guztientzat diru-sarrera indibidual, unibertsal eta baldintzarik gabea arautu nahi du, aurrekontuen bidez finantzatuko litzateke, eta eskubide subjektiboa izango litzateke, hau da, osasuna eta hezkuntza bezala, "gailendu egingo litzateke" aurrekontuetako beste gaien gainetik.
Diru-sarera hori 900 eurokoa izango litzateke 18 urtetik gorakoen kasuan, edo emantzipatu diren adingabeen kasuan; 450 eurokoa 14 eta 18 urte artekoentzat; eta 270 eurokoa 14 urtetik beherakoentzat.
EAEko pobreziaren mugaren arabera neurtu dute errenta hori, eta unibertsala eta baldintzarik gabea izango da. Hori horrela, EAEko egoiliar guztiek izango lukete jasotzeko eskubidea, lan egiten duten ala ez, norekin bizi diren, zein diru-sarrera, ondare edo estatus administratibo duten aintzat hartu gabe.
Albiste gehiago ekonomia
Elkarretaratzea egingo dute ostegunean Gasteizko Mercedesen bederatzigarren orduaren aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "alde batera uzten ditu kontziliazioa eta atsedena bezalako gaiak".
Gehiengo sindikalak 100.000 sinaduratik gora bildu ditu gutxiengo soldata propioaren alde eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta sinadura-bilketa ezarritako epea baino lehen itxi dute, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".
Prezioak % 2,7 igo dira uztailean, elektrizitatea eta erregaiak garestitu egin baitira
Espainiako Estatistika Institutuak uztaileko datu aurreratu ditu. Azpiko inflazioa hamarren bat igo da, % 2,3raino.
Maider Etxebarria: 'Lorezainen grebak kalkulu politikoengatik jarraitzen du, eta ez lan arazoengatik'
Maider Etxebarria Gasteizko alkateak, Radio Vitorian egindako elkarrizketa batean, adierazi du gaur PRECOn akordio batera iristea nahi duela, ulertezina iruditzen zaiolako greba bat hainbeste luzatzea. Era berean, ziurtatu du proposamen bat egon dela mahai gainean, eta sindikatuek baztertu egin dutela, kalkulu politikoengatik, laneko arazoak kontuan hartu gabe.
Talgok gora egin du burtsan, Espainiako Gobernuak konpainia erosteko operazioan SEPI sartu egingo dela baieztatu berritan
Talgoren akzioek % 3 inguru egin dute gora gaur goizean, baina igoera % 2,83raino apaldu da gero, eta akzioaren prezioa 3,09 € da.
Jauregik espero du "bi hilabeteren buruan" Talgoren Akziodunen Batzarrak operazioa onartzea eta prozesua amaitzea
Mikel Jauregi Eusko Jaurlaritzako Industria sailburuak azpimarratu du prozesu honetan "abentura asko" egon direla, eta "zaila" eta "espero baino luzeagoa" izan dela, baina nabarmendu du SEPIk parte hartzea onestea "ezinbesteko urratsa" dela Talgoren afera konpontzeko.
Bingen Zupiria, Ertzaintzaren lan-eskaintza publikoaz: "Ertzain izateko ikasi egin behar da eta agian batzuek ez dute behar beste ikasi"
Euskadi Irratian egin dioten elkarrizketan Bingen Zupiria Eusko Jaurlaritzako Segurtasun sailburuak azpimarratu duenez, Ertzaintzarako lan-eskaintza publikoko azterketak prestatu dituztenek ez dute inolako hanka-sartzerik egin. Poliziagaien % 90ek ez dute gainditu azterketa, eta Zupiriaren esanetan, hori gertatu da askok azterketa eredu bakar bat prestatu dutelako, "kontuan hartu gabe eredu gehiago egon daitezkeela". Halaber, argi adierazi du hurrengo 30 urteetarako agenteak prestatuko direla orain, eta exijenteak izango direla.
Gasteizko lorezainak berriro bilduko dira enpresarekin, gatazka desblokeatzeko beste saiakera batean
Azken orduko mugimendua ELA sindikatuak eskatuta egingo da. Atzo, sindikatuak proposamen berri bat aurkeztu zien oinarriei, eta bozketan ontzat eman zuten. Abuztuko oporraldiaren aurretik bideratu nahi dute egoera.