Zerga-araubideagatik Athleticek eta Osasunak aurkeztutako errekurtsoa, baliogabetuta
Europar Batasuneko Justizia Auzitegiak baliogabetu egin du Athletic eta Osasuna taldeen zerga-araubidearekin lotuta Europako Auzitegi Orokorrak emandako ebazpena. Bartzelona eta Real Madril taldeei ere eragiten die erabakiak, horiek ere aurkeztu baitzuten Europako Batzordeak emandako epaiaren kontrako errekurtsoa.
Ostegun honetan argitaratutako ebazpenaren arabera, EBko Justizia Auzitegiak betiko baliogabetu du talde horiek aurkeztutako helegitea.
Esan bezala, 2019ko otsailean Europar Batasuneko Auzitegi Orokorrak Athleticen eta Osasunaren zein Bartzelonaren eta Real Madrilen zerga-araubidea babestu eta kirol sozietate anonimotzat jo zituen elkarteok. Europako Batzordeak, baina, futbol talde horiek zigortzea erabakia zuen, legez kanpoko estatu-laguntzak jaso zituztela uste zuelako.
Hain zuzen ere, lau taldeek, 1990az geroztik, % 30eko zerga ordaindu beharrean, % 25ekoa ordaindu zutela esan zuen Europako Batzordeak orduan. Hori dela eta, ordaindu gabeko zergengatik, talde bakoitzari bost milioi euro ordaintzea eskatzeko agindu zion Espainiari 2016an.
Aspalditik datorren kontua da. Izan ere, Espainiako kirol elkarte profesionalak, kudeaketaren gardentasuna sustatzeko asmoz, sozietate anonimo bihurtu behar izan ziren 1990. urtean, Espainiako araudia betetzeko.
Aurreko ekitaldi ekonomikoetan emaitza onak izan zituzten taldeentzat, berriz, salbuespena ezarri zen eta kirol elkarte gisa jarraitzeko aukera eman zieten. Aukera horri heldu ziotenen artean, Athletic, Osasuna, Bartzelona eta Real Madril taldeak zeuden.
Irabazteko asmorik gabeko pertsona juridiko gisa, beraien etekinen gaineko berariazko zerga-tasa izan zuten lau talde horiek; gainera, 2016ra arte karga-tasa hori kirol sozietate anonimoei ezarritakoa baino txikiagoa izan zen.
Hortik iritsi zen Luxenburgon aurkeztutako errekurtsoa. Europako Auzitegi Orokorrak azaldu zuenez, Batzordeak ez zituen behar beste arrazoi eman talde horiek zerga-araubidearekin lotutako abantaila zeukatela frogatzeko.
Gaurko honetan, baina, Europako Batzordeari eman dio arrazoia EBko Justizia Auzitegiak, eta taldeek ezingo dute errekurtsorik aurkeztu erabaki horren kontra.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.