Sindikatuek 20.000 lanpostuko eskaintza publiko "handia" eskatu diote Jaurlaritzari
ELA, LAB, CCOO, SATSE, STEILAS eta ESK sindikatuek EAEko sektore publikoan "20.000 lanpostu berri" sortzeko "lan eskaintza publiko itzela" deitzeko eskatu dio Eusko Jaurlaritzari, sektoreko behin behinekotasun tasa "jasanezina" delako, Espainiako Estatuko eta Europako altuena.
200dik gora pertsona elkartu dira Eusko Jaurlaritzaren Gasteizko egoitzaren aurrean sindikatuok apirilaren 22rako EAEko sektore publiko osoan deitu duten greba orokorra defendatzeko. Behin behinekotasuna salatzeko egin dituzte elkarretaratzeak baita Bilbon (Bizkaiko Aldundiaren egoitzaren aurrean) eta Donostian (udaletxearen parean) ere.
Gorka Berasategi LABen ordezkariak esan du 20.000 direla EAEko sektore publikoak behar dituen lanpostu berriak behin behinekotasuna amaitzeko, egungo aldi baterako langileen egoera egonkortzeko eta herritarrei kalitatezko zerbitzu publikoa eskaini ahal izateko.
Sektore publikoko langileen % 40 inguru, "150.000 langiletik 50.000 baino gehiago", behin behinekotasun egoeran daudela salatu dute, egoera "jasanezina" dela, eta kasu batzuetan "20 urte baino gehiago lanean" daramatela behargin horiek.
Igor Eizagirre ELAren ordezkariak salatu du "zerbitzu publikoak desegiten" ari direla. Horregatik, erakundeei eskatu die "enplegua sortzearen aldeko apustua" egiteko eta "60.000 behin behineko langile" ingururen egoera egonkortzeko.
Eizagirrek eskatu du lan-eskaintzetan "aldi baterako kontratudunen postuak bermatzea" eta kontuan izatea esperientzia, "orain lanean ari direnak gera daitezen". Horregatik, Eusko Jaurlaritzak proposatutako Sektore Publikoaren Legea "atzera botatzea" eskatu du, behin behinekotasun tasak "egonkortzen" dituelako.
Sindikatu guztiek, UGT izan ezik, egin dute bat apirilaren 22an sektore publikoan deitu duten greba orokorrarekin. Administrazio guztietako langileak daude parte hartzera deituta, hezkuntza eta osasun arlokoak barne.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".