'Kontzilia', norberaren bizitza eta lana bateragarri egiten laguntzeko gunea
Eusko Jaurlaritzako Berdintasun, Justizia eta Gizarte Politika Sailak abian jarri du Kontzilia web-espazioa, norberaren bizitza, familia eta lana bateragarri egitea sustatzeko asmoz. Kontziliaziorako neurriak hartzen laguntzeko beharrezko informazio guztia eskaintzen die webguneak enpresa nahiz langileei, gaiaren inguruko gogoetarako materiala eskaintzearekin batera. Covid-19aren eraginez sortu diren behar eta egoera berriei erantzuteko, kontziliazioa erregulatzen duen araudi berria ere jaso dute bertan. Gainera, banakako online kontsultak egiteko aukera ere eskaintzen du atariak.
Hiru atal nagusitan sailkatu dute informazio hori guztia: Kontziliazio erantzunkidea, Enpresa eta Langilea.
Kontziliazio erantzunkidea atalean, kontziliazioari buruzko informazio orokorra jaso dute, hala nola, legediak eta hitzarmen kolektiboek onartutako neurriak, familia eta lana bateragarri egiteko dauden diru-laguntzak, eta Eusko Jaurlaritzak familia-politiken arloan hartuta dituen konpromisoen inguruko informazioa.
Enpresa izeneko atalak, berriz, enpresentzako informazioa eskaintzen ditu, enpresentzako diru-laguntzen ingurukoa eta enpresen jardunbide egokien gainekoa. Atal honetan, gainera, kontziliazioak dakartzan onurez hausnartzeko atal bat ere jaso dute.
Azkenik, Langilea atalean familientzako dauden kontziliaziorako laguntzen gaineko informazioa jaso dute.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.