Suezko kanalean harrapatuta geratu diren edukiontzietako 50ek Euskadi dute helmuga
Suezko kanalean Ever Given ontzian doazen edukiontzietako 50ek Bilboko portua dute helmuga, EITB Mediak baieztatu duenez. Edukiontzi horietan mota guztietako produktuak daude, besteak beste, EAEko industriarako osagai garrantzitsuak, baita material sanitarioa ere.
Panamako bandera duen itsasontzia Rotterdamera doa, Asian zehar egin duen ibilbidearen ondoren. Europako portura iristen denean, zamaontzi txikiagoetan banatuko du karga, eta zeharkako portuetara joango dira, esaterako, Bilbora.
Ontzia berriz flotarazteko lanak aurrera doazen bitartean, Santurtziko portuan Green Iberica enpresako arduradunak, edukiontzien jabeak, baikor agertu dira Suezko kanalean hondartuta dagoen ontzia datozen orduetan 22.000 edukiontzirekin askatzeko aukeraren inguruan.
"Baikorrak gara, izan ere, eragin duen blokeoaz eta ontzien pilaketaz gain, ontziak ez du inolako kalte estrukturalik", esan diote EITB Mediari.
Suezko kanalak aldi baterako eten behar izan du nabigazioa, asteartetik itsasbidea blokeatzen ari den kargaontzia hondatu ostean. Nazioarteko merkatuak ere puntu estrategiko horri adi daude. Gaur goizean, munduko zamaontzi handienetakoa ateratzeko saiakera egin dute, baina operazioak ez du arrakastarik izan.
Hainbat zirkunstantziek, haize-bolada gogorrek, hondar-ekaitz batek eta akats elektroniko txiki batek eragin zuten ezbeharra.
Green Ibericatik azaldu dutenez, marea noiz igoko zain daude, beste saiakera bat egiteko eta, horrela, kanala askatzeko. 140 ontzi inguru daude Ever Givenen atzetik, besteak beste, petrolio-ontziak eta edukiontziak daramatzatenak.
"Atoiontzi gehiagorekin eta sakonera handiagoarekin beste saiakera bat egin behar da, horregatik marea igo arte itxaron behar dugu, ontzia oso kargatuta baitoa", esan dute.
Behin ontzia askatuta, tripulazioaren eta kargaren segurtasunagatik, enpresa-jabeak egiaztatu beharko du dena egoera onean dagoela nabigatzeko eta "galdutako denbora berreskuratzen saiatzeko".
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".