Eroskik zorrari aurre egingo dio inbertsio-talde txerkiar bat bazkide gisa sartuta
Eroskik EP Corporate Group inbertsio-holdingarekin akordioa erdietsi du, Suprtuc 2020 elkartean bazkide paritario gisan sar dadin; Kataluniako eta Balear Uharteetako negozioak barnebiltzen ditu elkarte horrek. Operazio honen bidez, zorpetze handia duen kooperatiba bi erkidego horietan finkatu ahal izango da, eta, batez ere, 2021erako aurreikusita zuen 315 milioi euroko zorra amortizatu ahal izango du.
Gauzak horrela, Eroskik bi helburu beteko ditu: kontuak zuzentzea, batetik, eta Kataluniako eta Balear Uharteetako merkataritza-guneak saldu ez eta haiei eutsi ahal izatea, bestetik. Katalunian Caprabo markapean aritzen da, eta 300 supermekatu inguru ditu; Balear Uharteetan Eroski gisa aritzen da, eta 180 saltoki ditu.
Operazioa erabat itxi ahal izateko, beharrezkoak diren arau- eta kontratu-baimen jakin batzuk lortu behar ditu.
Eroskiko presidente Agustin Markaideren iritziz, "oso positiboa" da operaizo hau, izan ere, Eroski nahi zuten tokian jartzea ahalbidetzen du honek. "Zalantzarik gabe, gaurko akordioarekin, gaitasun handiagoarekin amaitzen dugu prozesu hau", adierazi du.
Azaldu duenez, operazio honek "baliabideak indartzeko eta inbertsio-gaitasuna handitzeko aukera ematen dio Eroskiri, baita zorra amortizatzeko konpromisoak betetzeko ere, unean-unean egiten ari garen bezala".
EP Corporate Group Daniel Kretinsky eta bere zuzendaritza-taldearen inbertsio-holdinga da, eta urtero 10.000 milioi euro baino gehiagoko diru-sarrerak ditu energia, azpiegitura eta baliabideen sektorean. Txekiarra inbertitzaile nagusietako bat da, besteak beste, Europako elikaduraren txikizkako sektorean, eta partaidetzak ditu Metro, Casino Guichard Perrachon eta Sainsbury 's konpainia britainiarrean.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.