Espainiako Gobernuak 90 eta 1.220 euro arteko kuota proposatu du autonomoentzat
Autonomoek ordaindu beharreko kuota 90 eurotik 1.220 eurora artekoa izango da, Espainiako Gobernuak proposatu duen erreformaren arabera. Benetako diru-sarrerak aintzat hartuta ordainduko dira kuotak, eragile sozialei bidali dieten dokumentuan agertzen denez.
Hala eta guztiz ere, erreforma mailaka ezartzen hasiko dira 2023an, eta kuotaren marjina zabaldu egingo dute, urtez urte.
Hala, 3.000 euro edo gutxiago irabazten dutenek 200 euro ordainduko dituzte 2023an; 215 euro ordainduko dute 3.000 eurotik 6.000 eurora irabazten dutenek; 230 euro 6.000 eurotik 9.000 eurora arteko diru-sarrerak dituztenek; eta 245 euro, 9.000 euro eta 12.600 euro artean irabazten dutenek. Zerrendak horrela jarraitzen du: 260 euro (12.600-17.000 euro), 275 euro (17.000-22.000 euro), 290 euro (22.000-27.000 euro), 305 euro (27.000-32.000 euro), 320 euro (32.000-37.000 euro), 340 euro (37.000-42.000 euro), 360 euro (42.000-47.000 euro), 380 euro (47.000-48.841 euro) eta 400 euro (48.841 eurotik gorako diru-sarrerentzat).
9 urteko epea amaitu eta erreforma osorik indarrean dagoenean, 2031n, hauek izango dira kuoten 13 tarteak (inflazioarekin lotuta egongo direnak): 90 euro (3.000 euro baino gutxiago), 120 euro (3.00-6.000), 185 euro (6.000-9.000), 235 euro (9.000-12.600), 275 euro (12.600-17.000), 305 euro (17.000-22.000), 425 euro (22.000-27.000), 545 euro (27.000-32.000), 670 euro (32.000-37.000), 800 euro (37.000-42.000), 935 euro (42.000-47.000), 1.075 (47.000-48.841) eta 1.220 euro (48.841 eurotik gora).
Oinarrizko kotizazioaren aldaketa
Autonomoek hamahiru kotizazio oinarrien artean aukeratu ahal izango dute espero dituzten diru-sarreren arabera, baina aldatzeko aukera izango dute urtean sei aldiz, jasoko dutenera egokitzeko.
Urte osoko balantzea egindakoan, langileak zegokiona baino gutxiago kotizatu badu, aldea ordaindu beharko du; eta alderantziz gertatzen bazaio, aldea jasoko du.
Albiste gehiago ekonomia
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".
Prezioak % 2,7 igo dira uztailean, elektrizitatea eta erregaiak garestitu egin baitira
Espainiako Estatistika Institutuak uztaileko datu aurreratu ditu. Azpiko inflazioa hamarren bat igo da, % 2,3raino.