EAEk helmuga seguru, askotariko eta jasangarri gisa aurkeztuko du bere burua Fiturren
Euskal Autonomia Erkidegoak (EAE) helmuga jasangarri, seguru, abegikor eta askotariko gisa aurkeztuko du bere burua maiatzaren 19tik 23ra Madrilen egingo den Fitur Nazioarteko Turismo Azokan.
Euskadik azoka horretan izango duen presentziaren nondik norakoak aurkezteko prentsaurrekoa eskaini du gaur Javier Hurtado Turismo, Merkataritza eta Kontsumo sailburuak. Hurtadoren hitzetan, sektoreko enpresa eta profesionalei emango zaie garrantzia, pandemiak gogorren erasandako sektoreetako bat den aldetik. "2020an bisitarien % 70 galdu zituen EAEk", sailburuak gogorarazi duenez.
Azaldu duenez, "aurrez aurre egiten den lehen turismo azoka izango da Fitur", eta Euskadik alor horretan dituen dohainen "nazioarteko erakusleihoa izango da".
Hurtadok esan du turismo sektoreak berak "Fiturrera joatea eskatzen" duela, eta Jaurlaritzaren egitekoa dela sektoreari "laguntzea, indartzea eta sustatzea". Horren ildoan, sailburuak adierazi du Euskadi ideia nagusi batekin joango da azokara: "Protagonista turismo-sektoreko enpresak eta profesionalak izatea".
Sailburuaren hitzetan, "Euskadik bere bi indarguneak erakutsiko ditu: eskaintzaren eta planen kalitatea eta aniztasuna, eta mundu osoan ezaguna den gastronomia, helmuga seguru, askotariko eta jasangarriaren irudia indartzen jarraitzeko. Eta hori guztia jasangarritasunaren aldeko apustua egingo duen eta naturako turismoa indartuko duen stand batean".
Horren harira, "turismo naturala, ekoturismoa eta zikloturismoa" indartuko dituzte, Hurtadok nabarmendu duenez, "Euskadik potentzial handia du denetan, turismo jasangarriarentzat ezinbestekoak diren baliabide natural asko dituelako".
Udari begira Jaurlaritzak dituen aurreikuspenez galdetuta, Turismo sailburuak sentimendu bikoitza dutela erantzun du. "Batetik, baikor gaude txertaketa kanpainaren aurrerapenarekin, baina eguneko datuei eta ospitaleen egoerari erreparatuta, zuhur", aitortu du.
Albiste gehiago ekonomia
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.