EAEko turismo-enpresek 20.000 eurorainoko laguntza zuzenak izango dituzte
Eusko Jaurlaritzak zuzeneko laguntzak emango dizkie turismo-enpresei, 6.000 eurotik hasi, hiru langile dituzten negozioen kasuan, eta 15.000 eurora bitartekoak, 50 langiletik gora dituzten negozioen kasuan; bidaia-agentzien kasuan, berriz, zenbatekoa 20.000ra igoko da.
Gobernu Kontseiluak 2021erako EAEko turismoari eusteko plana onartu du astearte honetan: 17,7 milioi euro laguntza zuzenetan (baldintzak betetzen dituzten eskaera guztiei erantzungo zaie) eta 3 milioi euro sustapen eta dinamizazioari bideratuta.
Javier Hurtado Turismo, Merkataritza eta Kontsumo sailburuak ekimenaren nondik norakoak azaldu ditu Kontseiluaren ostean, eta bere saila lanean ari dela iragarri du, pandemiak gehien kaltetu dituen merkataritza-sektoreei laguntzeko plan bat eta ostalaritzari laguntzeko programa berri bat sortzeko.
Gogorarazi duenez, iaz 70 milioi euro bideratu ziren turismoa, ostalaritza eta merkataritza laguntzeko planera, eta horietatik ia 45 milioi ostalarientzako izan ziren. Laguntza zuzenak jasotzeko 9.850 eskaera aurkeztu zituzten ostalariek, eta "erdiak baino gehiago" dagoeneko onartu dituzte eta kobratzen ari dira.
Orain "haratago joan" behar da, eta merkataritzari eta turismoari lagundu, azken sektore horri mugikortasun mugek eta konfinamendu perimetralek "bereziki" eragin baitiote, Hurtadok azaldu duenez.
Gaur aurkeztutako planak 21 milioi euro ditu oraingoz. "Osasun-krisiaren eragin ekonomikoa minimizatzea" du helburu eta hiru ardatz ditu: 17,3 milioi euro laguntza zuzenetan, 3 milioi euro sustapenerako eta dinamizaziorako, eta ikuskapen-lana birbideratzea, "sektoreak gehien eskatzen dituen jardunbide irregularrak zaintzeko".
Zuzeneko laguntzak bateragarriak izango dira beste erakunde batzuenekin, eta baldintzak betetzen dituzten sektoreko autonomo, mikroenpresa eta enpresa txiki eta ertain guztiei emango zaizkie, hala nola ostatu-establezimenduei, bidaia-agentziei, turismo-garraioko enpresei, turismo aktiboko enpresei eta biltzarren edo turismo-giden antolatzaileei.
Zure interesekoa izan daiteke
Euskal ekonomiaren "termometroa" hazkunde apaleko eremura jaitsi da, esportazioengatik
Eusko Jaurlaritzak zabaldutako datuen arabera, EAEko ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.
Abiadura handiko trena Abandotik iritsiko da Bilbora, behin-behinean, epeak aurreratzeko
Abiadura handiko trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 bat metro karratu erabiliko dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.