Iberdrolaren elektrolizatzaileak ekoizteko lantegia azkenean ez da EAEn eraikiko
Tamaina handiko elektrolizatzaileen lantegia, EAEko erakundeek Euskadin eraikitzea nahi zutena, Guadalajaran eraikiko da azkenean. Hainbat kokaleku aztertu ostean, Iberlyzer enpresak, Iberdrolak eta Cummins estatubatuarrak osatzen dutenak, azkenean Gaztela Mantxakoa aukeratu du, eta gaur aurkeztu du Toledon.
Hori horrela, 2021ean lantegi bat eraikiko dute Guadalajaran, eta hidrogeno berdea ekoizten hasiko dira 2023ko udan, 500 MW/urtean, eta 350 lanpostu sortuko dituzte.
Arantxa Tapia Eusko Jaurlaritzaren Ekonomiaren Garapenerako eta Ingurugiroko sailburuak duela hilabete aitortu zuen euskal erakundeak euren esku zegoen "guztia" egiten ari zirela lantegia EAEn eraiki zedin.
Horretarako, lurzoru egokia eta elkartean parte hartzeko "tresnak" bilatzen ari ziren, tartean "Bizkaiko Aldundiaren tresna fiskalak". Izan ere, Ignacio Sanchez Galan Iberdrolaren presidenteak Ezkerraldean kokatzeko prestutasuna agertu zuen, baina "beste lurralde batzuk baztertu gabe".
Hala eta guztiz ere, EAEn badago elektrolizatzaile proiektu bat martxan, Petronorrek eta Senerrek sustatua. Martxoan Emiliano Lopez Atxurra Petronorren presidenteak eta Jorge Sendagorta Senerren kontseilari ordezkariak iragarri zutenez, aurten hasiko dira lantegia erakitzen, 2022an lanean hasteko. Ziurrenik Portugaleten (Bizkaia) egongo da, eta 50-60 lanpostu zuzen sortuko ditu lehenengo fasean eta beste 100 bigarrenean.
Zure interesekoa izan daiteke
Abiadura Handiko Trena Abandotik iritsiko da Bilbora, behin-behinean, epeak aurreratzeko
Abiadura Handiko Trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 metro karratu inguru askatu ahal izango dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.