EBk milioika euroko isunak eskatu dizkio AstraZenecari dosien bidalketa azkar dezan
Europar Batasunak milioika euroko isunak eskatu ditu AstraZeneca farmazia konpainiaren aurka covid-19aren aurkako txertoaren dosi kopuruaren inguruko akordioa urratzen jarraitzen badu, EBko iturrietatik jakinarazi dutenez.
Hain zuzen ere, Europako Batzordeko abokatuek eta estatuek egunean 10 euroko isuna eskatzen dute konpainiarentzat uztailaren 1a baino lehen entregatu ez duen dosi bakoitzeko. Gainera, egunero 10 milioi euroko beste isun bat ere proposatzen dute kontratuan jasotako betebeharrak errespetatzen ez baditu, hitzemandako lantegi guztien erabilera tarteko, eta Belgikako epaileek ebazpena ematen duten egunetik aurrera.
Horiexek izan dira EBk farmazia enpresa ingeles-suediarraren aurkako gatazkaren lehenengo saioan aurkeztu dituen bi proposamenak. Premiazko prozedura berezi bat jarri dute gaur abian, eta horrela behartu nahi dute AstraZeneca ekaina amaitu baino lehenago hitzemandako 120 milioi dosiak ematera.
Lehenengo hiruhilekoan, AstraZenecak 30 milioi dosi banatu zituen EBko estatu kideen artean. Ondorioz, EBk konpainiari eskatzen dio apiriletik ekaina amaitu arte 90 milioi gehiago ematea. Kopuru horretara iritsi ezean, entregatu ez duen dosi bakoitzeko egunean 10 euroko isuna ordaintzea nahi du EBk.
Bestalde, Bruselaren bigarren proposamena egunean 10 milioi euroko isuna ordaintzera behartzea da, dosien kontratuan jasotako betebehar guztiak errespetatzen ez baditu, testuan aipatutako lantegi guztiak ez badaude EBrentzako dosiak ekoizten, besteak beste.
Kasu horretan, eguneroko isuna ez litzateke uztailaren 1ean hasiko zenbatzen, baizik eta auzitegiak ebazpena ematen duenetik aurrera, eta Europar Batasunari arrazoia ematen badio.
EBren eta AstraZenecaren artean beste gatazka bat ere badago, gaia sakonean aztertzen duena, baina lehenengo auzi saioa irailean izango da. Lehenengoarekin dosiak iristea bilatzen du Bruselak, eta bigarrenarekin, AstraZenecak kontratua urratu duela egiaztatzea.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.