Epaileak ez du helegitea onartu, eta Naval VGP belgikarrari ematea berretsi du
Naval ontziolaren likidazioa gidatzen ari den epaileak berretsi egin du lurzorua enkantearen irabazleari, VGP logistika enpresa belgikarrari, ematea.
Logistika konpainia belgikarra izan zen diru eskaintza handiena (36 milioi euro) egin zuena Sestaoko Naval eremu industrialeko 300.000 m²-ak eta itsasertzeko 20.000 m²-ak eskuratzeko. Epaileak VGPri eman zion eremua, eskaintza handiena egin zuelako.
Enkantean parte hartu eta galdu zuenetako batek, Marina Meridionalek, helegitea aurkeztu zuen esleipenaren aurka, eta argudiatu zuen bere eskaintzan egitasmo industriala jaso zuela, VGPrenean ez bezala.
Epaileak atzera bota du helegitea, eta gaur kaleratutako autoan gogorarazi du esleipena lortzeko "irizpide bakarra prezioa" zela. Horregatik, Marina Meridionali aurpegiratu dio "berak aurkeztutakoaren arabera eta gainerako eskaintza ekonomikoak ezagutu ostean berrikusi nahi zuela emaitza, ebaluagarria ez zen eta, ondorioz, gainerako enpresek aurkeztu ez zuten ustezko industria egitasmo baten balorazioa eskatuz".
Epailearen ebazpena irmoa da eta ez dago helegitea aurkezteko aukerarik. Hala, VGP da ontziolaren esleipenaren jabea.
Zure interesekoa izan daiteke
Haurrak hazteak hilean 900 euroko gastua dakarkie Euskadiko familiei, eta bost etxetik batek ezin du bere gain hartu
Espainiako Z belaunaldiko gazteen erdiek baino gehiagok zorrak dituzte
Greba eguna berriro Renfen, sarean segurtasun handiagoa eskatzeko
Gutxieneko soldata 1.286 eurora igotzea onartuko du gaur Espainiako Gobernuak
SMU medikuen sindikatuak deitutako grebaren jarraipena % 4koa da, Osakidetzaren arabera
Repsolek Endesa, Iberdrola, Naturgy eta Red Electrica auzitara eraman ditu, itzalaldiagatik
Etxebizitzaren prezioak markak hautsi ditu berriro: 6.662 €/m2, Donostian, eta 4.102 €/m2, Gipuzkoan