ELAk eta LABek gutxieneko soldataren igoera "urria" dela kritikatu dute
ELA eta LAB sindikatuek kritikatu dute "urria" dela CCOOk eta UGTk Espainiako Gobernuarekin adostu duten Lanbide arteko Gutxieneko Soldataren igoera, "azken hileotako KPIa baino txikiagoa delako", eta "hemengo" gutxieneko soldata eskatu dute.
ELAk ohar batean azaldu duenez, "gutxieneko soldata 15 euro igotzea oso urrun dago PSOEk eta Unidas Podemosek 2019ko akordioan hitzemandakotik, 2020an 1.000 eurora iristeko konpromisoa hartu baitzuten; eta are urrunago urtarrilaren 30eko greba orokorrean eskatutako 1.200 euroetatik".
"Langile klasearen erosteko ahalmenak txikitzen jarraitzen du", ohartarazi du.
ELAren arabera, igoera "urri" horrek agerian uzten du "elkarrizketa sozialak eta bertan dauden sindikatuek ez dutela balio langile klasearen baldintza materialak hobetzeko".
Era berean, LABek salatu du gutxieneko igoerak ez diela erantzuten euskal langileen "beharrei", "bizitzaren kostua"ren aldean, eta "Hego Euskal Herriaren egoerara egokitutako" gutxieneko soldata eskatu du.
LABek Eusko Jaurlaritzari eta Nafarroako Gobernuari galdegin die "hemengo" gutxieneko soldatan lan egin dezatela.
Andoni Ortuzar EAJren presidenteak uste du igoera "gauza on bat" dela eta, horregatik, ez du ulertzen "patronalak zergatik egin dion uko" akordioari. "Lehen mailako herrialde bat izateko, gutxieneko duintasuna ezarri beharra dago", adierazi du.
Idoia Mendia Lan eta Enplegu kontseilari eta lehendakariordea gustura agertu da akordioarekin, eta esan du ez zaiola hainbeste begiratu behar "zenbatekoari", baizik eta "akordioak duen balioari eta ekarriko duen aurrerapausoari".
Bestalde, Yolanda Diaz Espainiako Gobernuko presidenteorde eta Lan eta Ekonomia Sozialeko ministroak gogorarazi du, lorpenaz harago, pisu handiko erreformak daudela egiteko oraindik. Hori dela eta, patronalari eskatu dio "birkoka" dadila, "batzuetan, galdu egiten delako ez negoziatzeagatik".
"Ez dakit argi hitz egin dudan. Negoziatu gabe galdu egiten da. Zuek Badakizue Lan ministroa gaur daukaguna baino kopuru txikiagoa adosteko prest egon zela. Batzuetan, adostu gabe, galdu egiten da", argudiatu du.
Baina Antonio Garamendi CEOEren presidenteak errefusatu egin du gutxieneko soldataren gorakadari uko egiteak kalte egingo dionik bestelako negoziazio batzuetan, pentsioen edo aldi baterako lan erregulazio txostenen kasuan, esaterako.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.