Tubacexeko zuzendaritzak Eusko Jaurlaritzaren proposamena onartu du, enpresa-batzordeak, ostera, ez
Tubacexeko batzordeak errefusatu egin du Eusko Jaurlaritzak hodi fabrikatzailearen gatazka desblokeatzeko egindako proposamena; izan ere, bere ustez, "enpresaren presioei amore eman die", bere planteamendua "aldatu" duelako eta "2021ean kaleratze behartuak eta doikuntza ekonomikoak egiteko aukera" sartu duelako.
Ohar batean, zuzendaritzak eta Lan Sailak ostiral honetan egindako bileraren ostean eman du erabakiaren berri batzordeak; izan ere, astelehenean sintesi proposamen bat helarazi zien aldeei, eta baloratzeko konpromisoa hartu zuten.
Batzordeak salatu duenez, bilera honetan, Eusko Jaurlaritzak bere planteamendua aldatu du, "kaleratze behartuak eta 2021erako doikuntza ekonomikoak egiteko aukera sartuz, hori ez baitago aurreikusita hasierako proposamenean".
Bere ustez, aldaketa honekin, Jaurlaritzak enpresaren "presioei amore eman die", eta, horrenbestez, proposamena ez onartzea erabaki du batzordeak.
Proposamena onartu du zuzendaritzak
Bestalde, gatazkari amaiera emateko akordioa lortu ez izana deitoratu du Tubacexeko zuzendaritzak, eta enpresak Eusko Jaurlaritzaren proposamena onartu duela erantsi du.
Zuzendaritzaren hitzetan, Jaurlaritzaren proposamena onartu du, "funtsezko bi punturekin gatazka konpontzea ahalbidetzen zuelako: kaleratzeak ezabatu, eta borondatez enpresa uzteko egitasmo bat martxan jartzen zuelako, baita lantegietako bideragarritasuna bermatzeko kostuak aurrezteko neurri sorta jaso ere".
Exekutiboaren planteamendua onartu du enpresak, baina "modu harrigarrian alde sozialak errefusatu du", gaineratu du Tubacexek.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.