Getxo da erosketak egiteko Espainiako Estatuko bigarren herririk garestiena
Getxo da erosketak egiteko Espainiako Estatuko bigarren herririk garestiena Kontsumitzaileen eta Erabiltzaileen Elkarteak (OCU) egindako ikerketa baten arabera. Lehen postuan Las Palmas dago.
Erkidegoei begiratuz gero, Euskal Automia Erkidegoa ere erosketa-saskia betetzeko lurralderik garestienen artean dago, Balearrekin, Kanariekin eta Kataluniarekin batera. Valentzia eta Murtzia dira merkeenak.
Kontsumitzaileen eta Erabiltzaileen Erakundeak urtero egiten duen erosketa-otarreari buruzko ikerketan 160.976 salneurri baino gehiago aztertu dituzte Espainiako Estatuko 65 hiritan dauden 1.103 saltokitan, baita Interneten ere.
Ikerketaren arabera, batez beste etxe batek elikadurara bideratzen duen aurrekontuaren % 19,5 aurreztu da azken urtean, baina hirien arteko aldeak oso esanguratsuak direla ohartarazi du; izan ere, gehienezko aurrezkia 325 eta 3.532 euro artekoa da.
Kanaria Handiko Las Palmas da erosketak egiteko tokirik garestiena, eta atzetik daude Getxo, Palma, Bartzelona eta Madrilgo Alcobendas , hurrenez hurren.
Supermerkatu kateei erreparatuz gero, Dani da, beste behin, katerik merkeena, eta Mas Ahorro eta Family Cash ditu atzetik. Espainiako Estatuko supermerkatuen artean, Alcampo da merkeena, eta Suma, berriz, garestiena.
Bestalde, OCUk nabarmendu du salneurriak batez beste % 0,4 igo direla, eta energiaren prezioaren garestitzeak erosketa-saskiko oinarrizko produktu batzuei eragin diela, hala nola esneari, arrautzei edo oilasko eta untxi haragiari.
OCUk dio erosketa-saskiko produktuen % 55 garestitu egin direla, eta % 45 merketu. Markako produktuek batez beste % 1,1 egin dute gora, ia marka zurikoek bezala ( % 1).
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".