Argindarraren prezioak 300 euroko langa gaindituko du lehen aldiz ostegunean ordurik garestienean
Argindarraren prezioak beste marka bat ezarriko du ostegun honetan eta ordurik garestienean 300 euroko langa gaindituko du historian lehen aldiz. Bataz beste 288 eurotan ordainduko dute megavat bakoitzeko handizkako merkatuan, gaur baino 60 euro gehiago.
Ordu-tarteei dagokionez, preziorik altuena 20:00etatik 21:00etara ordainduko da, eta 319,03 eurora iritsiko da; baxuena, berriz, 04:00etatik 05:00etara izango da, 249,08 euro/MWh.
Gaur bertan, Euskadiko Energiaren Kluster Elkarteak (EKE) kontsumitzaileen elektrizitate-fakturaren igoera "arintzeko" adostutako neurriak eskatu dizkio Espainiako Gobernuari, energiaren eta industriaren sektoreetan eta trantsizio energetikoaren prozesuan "eragin negatiborik" izan gabe.
Urria marka guztiak hautsiz hasi da; izan ere, zazpi egunetan orain arteko salneurririk altuenak erregistratu dira, eta zantzu guztien arabera, aurrerantzean ere goranzko joerak jarraituko du.
Mundu osoan ari da hazten energiari lotutako lehengaien prezioa, hala nola gasaren, petrolioaren eta ikatzaren prezioa, eta, aldi berean, CO2 eskubideek ere gora egiten dute, baita maximo historikoetan ere.
Espainiako Gobernuak igoera horri aurre egiteko aldi baterako neurriak onartu du eta zergak jaitsi eta argindar konpainien ezohiko diru-sarrera batzuk gutxituko ditu; hori dela eta, ez da igoera kontsumitzaileen fakturetan islatuko.
Hala ere, arazoa mundu mailakoa denez, energia-mota guztietako inflazio-joera industriara eraman daiteke, eta horrek presioak eragin ditzake jardueran edo prezioak kontsumitzaileei helaraztea eragin dezake.
Zure interesekoa izan daiteke
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.