Pentsioen murrizketen kontra eta lan-erreforma indargabetzearen alde manifestazioak deitu ditu ELAk gaurko
ELAk lau manifestazio deitu ditu gaur goizean, 11:30etik aurrera, Bilbon, Gasteizen, Donostian eta Iruñean, 'Ez gaitzazue Madrilen saldu. Sarraskiari STOP; pentsioen murrizketarik ez. Lan-erreformak derogatu' lelopean.
"langile klasea mobilizatzea eta alderdi politikoak presionatzea" da helburua, "EAJ, EH Bildu eta Podemos, zehazki, konpromisoa har dezaten pentsioetan murrizketarik ez onartzeko eta lan-erreforma indargabetzea eskatzeko". Izan ere, "lan-erreforma berriak Zapaterok 2010ean eta Rajoik 2012an ezarri zituzten elementurik kaltegarrienak mantentzea" aurreikusten duela uste du sindikatu abertzaleak.
ELAk gogorarazi du erreforma horiek Kongresuan gehiengoz onartu behar direla eta "gaur egun gobernagarritasun bloke izeneko alderdi independentista eta nazionalisten multzo horrek pentsioen murrizketak eragotzi eta lan-erreforma baldintzatu" dezakeela. "Zoritxarrez, erabaki horiek oraindik Madrilen onartzen" badira ere, "Euskal Herritik erreforma horiek baldintzatu" daitezkeela uste dute baina "kezkagarria" deritzote "alderdi horiek hain erreforma larrien aurrean erakutsi duten isiltasunari".
Erreforma hauen edukia, norabidea eta onartzeko datak zeintzuk izango diren jakitea "ezinbestekoa" dela uste du ELAk. Hala, ahal duen guztia egingo duela horiek baldintzatzeko jakinarazi du, greba orokorra deitzea, tartean.
Zure interesekoa izan daiteke
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak % 4,5 murriztu dira urtarrilean Euskadin, eta inportazioak % 6,1
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen estaldura tasa % 105,5ekoa.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.
Osasun Ministerioak apirilaren 9rako deitu ditu autonomia erkidegoak medikuen grebaz hitz egiteko
Ostiral honetan ohiko osoko bilkura egingo dute pazienteen eta Osasun Sistema Nazionalaren kudeaketa publikoaren lege aurreproiektuen berri emateko.
Lanbidek aurreikusten du martxoa enplegu-datu positiboekin amaituko dela: "Oraindik ez dira nabaritzen krisi geopolitikoaren ondorioak"
Francisco Pedraza Lanbideren zuzendari nagusiak, Radio Euskadin egindako elkarrizketan, adierazi du "zalantza asko" daudela "epe ertainera begira".
Erregaiaren prezioek behera, astelehenari ekiteko, krisiaren aurkako neurriak igandean indarrean sartu ostean
Zerbitzugunearen arabera, erregaien prezioak litroko 15-20 zentimo jaitsi dira. Neurriak jada indarrean dauden arren, Diputatuen Kongresuak onartu beharko ditu; datorren ostegunean, martxoaren 26an, bozkatuko dituzte neurriak.
Tubos Reunidoseko langileek elkarretaratzea egin dute San Mameseko zabalgunean, Bilbon
Athletic-Betis partidaren atarian lan-erregulazioaren eta altzairutegia ixtearen kontrako jarrera azaldu dute. Gainera hitzartutako kaleratzeei atxikimendua emateko prozesua kritikatu dute, eta dudan jartzen dute benetan 301 langilek izena eman duten.
LABek "ez du derrigorrezko kaleratzerik onartuko" Tubos Reunidosen
Garbiñe Aranburu LABeko idazkari nagusiak adierazi du ez dutela enpresaren "xantaia" onartzen, eta erantsi du ez dutela onetsiko 300 langile kaleratu behar izatea enpresaren bideragarritasunaz negoziatzen hasteko.
Indarrean dira Irango gerrak sortutako krisiaren aurka Espainiako Gobernuak hartutako neurriak
Elektrizitatea eta erregaiak merkeagoak dira, besteak beste, BEZa % 21etik % 10era jaitsi delako.