Leioako errepidea estaltzeko lanak 2023an hastea eta 2026an bukatzea espero dute
Leioan, BI-637 errepidea estaltzeko lanetan, 62,5 milioi euro inbertituko ditu Bizkaiko Foru Aldundiak; izan ere, hirigunea bitan zatituta dago egun.
Foru Gobernuak (EAJ-PSE) behin-behineko proiektua onartu berri du. Lanak 2023ko lehen hiruhilekoan hastea eta 36 hilabetez luzatzea espero dute. Beraz, obra 2026an bukatzea aurreikusi dute, Imanol Pradales Azpiegitura eta Lurralde Garapen diputatuak azaldu duenez.
Pradalesek nabarmendu duenez, lanekin "Leioako bizilagunen eskakizun historiko bati" erantzuna eman nahi diote; izan ere, orain lubaki batek hirigunea bitan zatitzen du. Era berean, oinezkoentzako esparru berri bat sortu eta trafikoaren zarata kenduko dute.
Bide batez, errepideko tunela hobetu eta modernizatuko dute. Leioako erdialdean, pasealekuaren luzera bikoiztea ahalbidetuko du obrak, 824 metrora arte, baita 2.900 herritarri eragiten dien kutsadura akustikoarekin amaitzea ere.
Proiektuaren "konplexutasun tekniko handia", azpimarratu du Pradalesek; izan ere, errepidea batez beste 114.000 ibilgailuk erabiltzen dute egunean, eta bi errei zabalik mantendu nahi dituzte lanetan.
Proiektuaren tamaina islatzen duten beste datu batzuek, esaterako, erabiliko dituzten 700.000 kilo altzairu laminatu eta tunelean egingo dituzten 12 ebakuazio galeriak.
Zarata
Leioako 32.000 bizilagunetatik, 2.900 inguruk etxea errepidearen alboan dute, eta gauetan 55 dezibelioko zarata jasaten dute. Errepidea estalita, herritar horien % 82k zarata izateari utziko diote.
Estalkiaren gainean 432 metro bulebar berri prestatuko dituzte, hau da, pasealekuaren luzera bikoiztuko da, 824 metrora arte. Horrela, oinezkoek 4.132 metro karratu izango dituzte Leioako erdialdean.
Estali behar den zonaldearen aldamenean dagoen tunela hobetzeko eta modernizatzeko (argiztapena, aireztapena eta segurtasuna) lanak ere aurrera eramango dituzte. Pradalesek esan duenez, 80ko hamarkadako tunel bat da, eta hobekuntzak behar ditu.
La Avanzada en Leioa (Bizkaia), ahora. Foto: Diputación Foral de Bizkaia
Zure interesekoa izan daiteke
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako Ogasunek egindako autolikidazio proposamenak onartu edo aldatu dezakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.