ELA eta LAB ez dira Torresekin bilduko, Parlamentuak gutxieneko soldataren herri-ekimena baztertu eta gero
Bi sindikatu horiek, gainera, iragarri dute auzitara eramango dutela Confebask, gai horri buruz hitz egiteko "negoziazio mahaia eratzeari uko egiteagatik", justiziak "patronalaren negoziatzeko betebeharra bete dezan".
Torres, Lakuntzaren alboan. Argazkia: EITB
ELA eta LAB sindikatuek iragarri dute astelehenean ez direla Mikel Torres Ekonomia, Lan eta Enplegu sailburuarekin bilduko, Legebiltzarrean Eusko Jaurlaritza sostengatzen duten alderdiek (EAJ eta PSE-EE) Euskadin gutxieneko soldata bat sortzeko herri-ekimen legegileari uko egin diotelako.
Bigarren lehendakariordeak gizarte-eragileekin bilera sorta bat hasi zuen atzo, osteguna. CCOO eta UGTrekin bildu ostean, astelehenean zen ELArekin, LABekin eta Confebask patronalarekin biltzekoa.
ELA, LAB, ESK, Steilas, Hiru eta Etxaldek bultzatutako eta 138.495 sinadurek babestutako herri-ekimen legegilea Eusko Legebiltzarrean ez izapidetzea erabaki ostean hartu dute erabakia bi sindikatu horiek.
"EAJk eta PSEk diote gutxieneko soldata propio baten aldekoak direla eta EAEko langileek beren errealitate sozioekonomikoaren araberako soldatak behar dituztela. Hala ere, beren ekintzek kontrakoa erakusten dute: patronalaren jarrera hartu dute eta Confebasken aginduak betetzen ari dira", salatu dute bi sindikatu horiek ohar batean.
Horien ustez, Eusko Jaurlaritzak "ez du benetako elkarrizketan sinesten", hori egingo balu "Legebiltzarrean eztabaidari bidea emango liokeelako eta bakoitzak bere jarrera defendatzeko aukera bermatuko lukeelako".
ELAk eta LABek Imanol Pradales lehendakariari eta Torres sailburuari eskatu diete "jarrera aldatzeko eta gutxieneko soldata propioa defendatzeko, baita patronalari interpelazio zuzena egiteko, patronala ere mugi dadin eta Euskadirentzat gutxieneko soldata bat negoziatzen has dadin".
Bi sindikatu horiek iragarri dutenez, auzitara eramango dute Confebask, gai horri buruz hitz egiteko "negoziazio mahaia eratzeari uko egiteagatik", justiziak "patronalaren negoziatzeko betebeharra bete dezan".
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.