Bizitzeko gutxieneko diru-sarreren legea onartu du Kongresuak, ERCren eta EH Bilduren babesarekin
Bizitzeko gutxieneko diru-darrera arautzen duen legea onartu dute gaur Diputatuen Kongresuan, Espainiako koalizio-gobernua osatzen duten alderdien (PSOE eta Unidas Podemos), EH Bilduren eta Esquerra Republicanaren (ERC) babesarekin.
Alderdi Popularrak, EAJk, BNGk, Foro Asturiasek eta PDeCATek kontra bozkatu dute; eta Vox, Ciudadanos, Junts, Mas Pais eta Compromis abstenitu egin dira.
Hainbat taldek botoa aldatu dute egitasmoa tramitatzeko prozesu parlamentarioan, tartean EAJk. Jeltzaleek ekimenaren aldeko botoa eman zuten hasierako bozketan, baina azkenekoan kontra agertu dira. PPk ere gauza bera egin du. Ciudadanosek eta Compromisek ere legea babestu zuten hasieran, baina gaur abstenitu egin dira.
Proiektua Senatura iritsi zenean seigarren xedapena kentzea erabaki zuten eta aldaketa horrek eragin du aipatu taldeen jarrera aldaketa. Bizitzeko gutxiengo diru-sarrera kudeatzerakoan udalek izango dituzten gastuak ordaintzeko diru-funts berezi bat sortzea aurreikusten zen puntu horretan.
Hala ere, Espainiako Gobernuak 2020ko ekainean onartu zuen dekretuarekin alderatuta, berritasun nagusia honakoa da: gutxiengo diru-sarrera jasotzen duten familiei, seme-alabengatik 50 eta 100 euro arteko laguntza osagarria emango zaie hilabetero.
Horrez gain, prestazioa pobrezia-egoeran dauden familiek ere jasoko dute, horretarako baldintzak betez gero.
Beste nobedade bat ere badago: familian desgaitasun oso handia duen -% 65ekoa edo gehiago- pertsona bat egonez gero, gutxiengo diru-sarreraren zenbatekoa % 22 handiagoa izango da.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.