Bizitzeko Gutxieneko Errenta Euskadin eta Nafarroan kudeatzeko akordioak itxi dituzte
EAJk ez dio osoko zuzenketarik aurkeztuko 2022ko Estatuko aurrekontu orokorren lege-proiektuari, Espainiako Gobernuarekin Bizitzeko Gutxieneko Errenta (BGE) osorik transferitzea adostu baitu.
Aitor Esteban EAJk Kongresuan duen bozeramaileak iragarri duenez, bere alderdiak berretsi du Jose Luis Escriva ministroarekin aurretik hitzartutako konpromisoa.
Akordioan, itzultze-betoa "ezabatzea" adostu dute, baina diputatu jeltzaleak ohartarazi du aurrekontuen inguruko akordioa urrun dagoela oraindik. Edonola ere, beste pauso bat da kontu publikoak Diputatuen kongresuan izapidetzen jarrai dezaten.
Idoia Mendia lehendakariordearen hitzetan, "albiste ona" da akordioa. Haren hitzetan, "izapideak bizkortuko ditu" eta "gauzak erraztuko dizkio herritargoari".
Adierazi duenez, akordio horren ondorio izango dira "prestazioak eskatzera doazen pertsonak leihatila eta leihatila artean ez gogaitzea", eta "Lanbideko langileei kudeaketa erraztea".
Lehendakariordeak gogorarazi duenez, diru-sarreren bermerako euskal sisteman BGEa integratzea "laster Parlamentuari igorriko zaion Legean jasotzen da". Eredu hori, "hain zuzen, zaurgarrienei estaldura hobea emateko dago pentsatuta, eta sistemaren izapideak bizkortzeko. Integrazio honek hori baimenduko du".
Bestalde, Espainiar Gobernuak Euskadin duen Ordezkaritzak ziurtatu duenez, Estatu osoan "Gizarte Segurantzaren berdintasun- eta batasun- printzipioak bermatzeko mekanismoak" ezarriko dituzte. Horrela, BGEa "zerbitzu homogeneoa izango da espainiar guztientzat, haien bizilekua gorabehera".
Nafarroan ere, akordioa
Bestalde, Nafarroako Gobernuak eta Pedro Sanchezen Exekutiboak ere akordioa itxi dute, foru erkidegoak BGEaren funtzioak bere gain har ditzan.
Administrazio bien arteko negoziaketak urtebetez luzatu ostean, gaurko eguerdian iritsi dira akordiora, Maria Chivite Nafarroako presidentearen eta Jose Luis Escriva ministroaren arteko elkarrizketan.
Chivitek nabarmendu duenez, "albiste positiboa da, nafar herritarrentzat zein gure autogobernua indartzeko. Hilabeteak eman ditugu akordio honetara iristeko lanean; azken asteotan areagotu da lan hori, eta azkenean etekina izan du".
"Espainiako Gobernuarekin abiatutako elkarrizketaren bidearen beste adibide bat da. Bide horretan, aurten espetxe-osasuna eta Bizitzeko Gutxieneko Errentaren kudeaketa gure gain hartzea lortu dugu eta, laster, baita trafikoarena eta bide-segurtasunarena ere", azaldu du.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.