Bilboko metroan bidaia kopuruak % 19ko gorakada izan zuen 2021ean, baina 2019ko errekorretik urrun segitzen du
Metro Bilbaok 66.779.198 bidaia egin zituen 2021. urtean, hau da, aurrekoan baino %19,28 gehiago. Hazkunde "bikaina" izan dela adierazi dute metroko arduradunek, baina 2019ko marka historikotik urrun dago: 91.570.001 bidaia erregistratu baitzituzten orduan.
Ildo horretan, gogora ekarri dute pandemiaren hirugarren olatuaren ondorioz ezarrita zeuden murrizketekin hasi zela 2021. urtea. Mugikortasunaren murrizketa maila ezberdinak igaro ostean, gaueko zerbitzua ez zen urrira arte guztiz berreskuratu. Eguneko zerbitzua, berriz, osorik eman da 2021ean.
Lanegunetako bidaien banaketari dagokionez, metroko arduradunek nabarmendu dute 2021ean gehiago berreskuratu direla goizeko eta eguerdiko puntako orduetako bidaiak, abenduan % 85 izan baitira, 2019ko datuekin alderatuta.
Metroaren sare osoan gehien erabiltzen diren geltokiei dagokienez, azken urteetako berberak izan dira, baina bidaia kopuru txikiagoak izan dituzte: Zazpikaleak (5.081.666), Indautxu (4.641.763), Moyua (4.327.349), Abando (4.292.714) eta San Mames (4.211.928).
Bestalde, erabilera ehunekoan hazkunderik handiena izan duen txartela Creditrans izan da, %56,9 erabili baita, marka historikoa lortuz. Igoera hori, batez ere, aldi baterako txartelak gutxiago erosi direlako etorri da, mugikortasun murrizketen ondorioz bezeroek ez baitzuten jakiterik izan zenbat bidaia egin ahalko zituzten.
Gizatrans txartelaren erabilerak, berriz, behera egin du pixka bat, 65 urtetik gorakoen kolektiboak joan-etorri gutxiago egin baititu: erabilera maila 2020ko % 11,55etik 2021eko % 11,3ra igaro da; 2019an % 13,80koa izan zen.
Urteko txartela ere gutxiago saldu da, gainerako abonu txartelen arrazoi berberengatik: ziurtasun eza egin ahal izango zuten bidaien kopuruaz.
Bezeroek metroaren zerbitzuaz emandako iritziari dagokionez, 10 puntutik 8 jaso ditu.
Zure interesekoa izan daiteke
Guardian eta Glavista enpresen itxiera saihesteko akordioa, gertu; VSF eta Gaviota konpainien bidez
Aiaraldeko bi enpresek, elkarren artean estuki lotuta, 170 eta 240 langile zituzten, hurrenez hurren.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.