Merkatariek "saltzeko gogoz" hartuko dituzte beherapenak, aurten ere galerak izan ostean
Bilboko Alde Zaharreko Merkatarien Elkarteak "saltzeko gogoz" hartuko du ostiral honetan hastekoa den beherapen aldia, baina "arduraz", uneoro covid-19aren aurkako osasun neurriak mantentzeko.
Europa Press agentziak jasotako adierazpenetan Rosa Pardo Alde Zaharreko Merkatarien Elkarteko presidenteak azaldu duenez, 2021eko zifrak itxi orduko "salmenten galera nabarituko da 2019 urtearekiko, baina 2020koa baino askoz txikiagoa, zalantzarik gabe". Haren aurreikuspenen arabera, erorialdia ez da % 10era iritsiko.
Nabarmendu du 2021ean "bizkor ibili" behar izan dutela merkatariek egoerari, bezeroen eskaera berriei eta kontsumo eredu berriei egokitzeko, eta hala "saltoki lehiakorra" izaten jarraitu ahal izateko. Gaineratu duenez, "ateak zabalik jarraitzen dugunok halaxe lortu dugu".
Zentzu horretan, adierazi du saltoki kopurua "arinki" murriztu dela 2021ean, izan ere, "erorialdi esanguratsuenak 2020ko hasieran izan ziren", azken urtean "egonkortasun handiagoa" izan dutelarik. Hala, aipatu du itxi behar izan dituzten saltoki gehienak erretiroa hartzeko zorian zeuden pertsonenak izan direla, "eta aurreratzea erabaki dute, belaunaldi erreleborik ez zutelako". Oro har, jendea gai izan da, bere aburuz, "digitalizatzeko eta une berri honetara egokitzeko".
Eusko Jaurlaritzak, Bilboko Udalak eta Bizkaiko Foru Aldundiak martxan jarritako beherapen bonoen kanpainen funtzionamendu ona azpimarratu du Pardok, eta baietsi du merkataritza elkartetik "gogoz" hartuko dutela beherapen aldia, baina "arduraz". Edonola ere, jendeak ondo jokatuko duelakoan daude, "kontzientzia hartuta baitago edukiera errespetatzearekin, kontuz ibiltzearekin eta higiene neurri guztiak mantentzearekin".
Merkataritzari eskainitako diru-laguntzei dagokienez, deitoratu du "berandu" iritsi direla, baina ulertzen duela erakundeentzat ez dela "erraza" horiek azkar eta era eraginkorrean martxan ipintzea. Dena den, ohartarazi duenez, "murrizketa ekonomiko gogorrak pairatzen ari ziren saltokientzat, laguntzen atzerapenak garrantzi handia izan du".
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.