21.500 langile baino gehiago daude bajan Euskadin, Mutualiak egindako kalkuluen arabera
Hilaren 5ean 21.525 langile zeuden bajan covid-19ak jota Euskal Autonomia Erkidegoan (EAE), Mutualiak egindako kalkuluen arabera. EAEko mutuak gaur jakinarazi ditu eskura dituen azken datuak, duela astebetekoak. Publiko egin diren datu bakarrak dira, Osakidetzak eta Gizarte Segurantzak ez dutelako kopururik jakinarazten.
Errege bezperan, Mutualiaren ardurapean dauden 9.471 langile zeuden bajan, eta urtarrilaren 1etik 5era, 3.762 baja erregistratu zituela jakinarazi du. Datuok Euskadira estrapolatuta, kalkulua egin du mutuak eta ebatzi 21.500 behargin baino gehiago zeudela lanera joan ezinda koronabirusaren eraginez.
Natxo Lekunberri Mutualiako kudeatzaileak nabarmendu duenez, "aurrekaririk gabeko" datuak dira, eta aurreko datuak aipatu ditu adibiderako. Urrian 4.200 baja izan ziren EAEn; azaroan, halako hiru, 12.800raino eta abenduan 31.900 zenbatu ziren.
Egoera sektore guztietan errepikatzen ari da, publikoan zein pribatuan. Hezkuntzan, esaterako, Jokin Bildarratzek zuzentzen duen Sailak 1.350 ordezkapen egin ditu bi egunetan, Gabonetako oporren ostean. Bilboko Udala ere larri ibili da, eta Juan Mari Aburto alkateak azaldu du "kezkatuta" daudela Udaltzaingoan eta suhiltzaileen artean izandako bajekin. Oraingoz, nola edo ahala ordezkatzen ari dira langileok.
Confebaskeko presidente Eduardo Zubiaurrek, bestalde, esan du egungo baja kopurua "arazo larria" dela ekoizpenerako eta enpresen kudeaketarako. Horrekin batera, prezioen gorakadak, energiaren kostuak eta hornigaiekin dauden arazoek egoera oker dezaketela uste du.
Zubiaurreren iritziz, enpresa txikiak dira ondorio larrienak jasaten ari direnak, "gutxi izanda, pertsona batek huts egitea arazo handia baita".
"Bajak luzeak direnean, errazagoa da ordezkoak bilatzea, baina bost eguneko bajetan ez da horren sinplea. Hortaz, ahal duten moduan egoerara egokitzen ari dira enpresak, dituzten beharrei aurre egin ahal izateko", azaldu du.
Autonomoei dagokienez, baja kopurua askoz txikiagoa da. Autonomoen elkarteko presidente Eduardo Garciak adierazi du askok negozioa itxi behar izan dutela, baina beste askok ezin dutela horrelakorik egin.
Zure interesekoa izan daiteke
Euskal inbertsore talde batek interesa izan lezake Azpeitiko Elmubas Petfood Group erosteko
EITBk jakin ahal izan duenez, negoziazioak oso aurreratuta daude, eta baliteke, epe laburrean, enpresaren jabeak berriro Euskadikoak izatea. 300-400 milioi euro inguruko operazioa litzateke.
BIEMHek astelehenean irekiko ditu ateak, 34 herrialdetako 1.503 enpresa eta 3.350 produktu berritzaile baino gehiagorekin
Azokak "benetako ikuskizun industrial eta teknologikoa" eskainiko du, "arriskuak eta aukerak" dituen une "nahasi" batean.
Pradales lehendakariak energiaren prezioa Europakoarekin parekatzea eskatu du, euskal industriaren etorkizuna eta enplegua "bermatzeko"
Imanol Pradalesek, Mikel Jauregi Industria, Trantsizio Energetiko eta Jasangarritasuneko sailburuarekin batera, Lointek enpresa bisitatu du Urdulizen (Bizkaia), 30. urteurreneko ekitaldien baitan. Bere hitzaldian, Pradalesek argindarraren prezioak euskal industriaren lehiakortasunean duen eragina azpimarratu du, bereziki enpresa elektrointentsiboen kasuan, "milaka lanpostu horien menpe baitaude".
Sidenorren arabera, Poliziak aurkitutako dokumentuak ez du esan nahi saldutako altzairua obusak egiteko erabili zela
Siderurgia enpresak ohar bidez nabarmendu duenez, Israelgo enpresak obusak egiteak eta dokumentuan obusen erreferentzia agertzeak ez du inondik inora esan nahi Sidenorrek saldutako altzairua horretarako erabili zela.
Tasa turistikoa 2027tik aurrera "Euskadi osoan" ezarriko dela aurreikusi du Hurtadok
Turismo, Merkataritza eta Kontsumo sailburuak azaldu duenez, Batzar Nagusiek uda baino lehen onar dezakete araua, baina ez da berehala ezarriko, udalek sei hilabeteko epea izango dutelako beren legedira egokitzeko.
Nafarroako Accionaren buru ohiak ukatu egin du Koldorekin "obra publikoetarako" harremanik izan izana
Bien arteko harremana "adiskidetasunezkoa" dela azaldu du, berarekin Nafarroako Geoalcali proiektuan lan egin ondoren.
Sidenorren zuzendari batek bazekien Israelera esportatutako altzairua obusak egiteko zela
Polizia Nazionalak Sidenorren Basauriko egoitzan aurkitutako dokumentu batek informazio hori jasotzen du, Palestinako okupazioaren aurkako elkartasun sareak (RESCOP) elkarteak jakinarazi duenez.
Iberdrolak errekorra lortu du, 2025ean 6.285 milioiko irabaziak lortu baititu, 14.460 milioiko inbertsioek bultzatuta
Jakinarazitako ustiapeneko emaitza gordina (Ebitda) 16.592,4 milioi eurokoa izan zen, aurreko urtean baino % 1,5 apalagoa. Erresuma Batuan kontagailu adimendunak saltzeagatiko gainbalioa, 2024an Mexikon egindako negozioak ekarritakoa eta Estatu Batuetan igarotako kostuen aintzatespena kenduta, 2025eko Ebitda doitua 15.684,4 milioi eurora iritsi zen, 2024an baino % 3,1 altuagoa, sareen negozioan izandako jarduera onari esker.
Albiste izango dira: EITB Dataren txostena inbertsio funtsei buruz, 1981eko estatu kolpe saiakerako dokumentuen desklasifikazioa eta Iberdrolaren emaitzak
Gaurkoan Orain-en albiste izango direnen laburpena, bi hitzetan.
Euskadik eta Nafarroak Estatuko funtsen % 8 biltzen dituzte, eta haien inbertsio-pisua indartu dute
EITB Dataren datuen arabera, inbertsio kolektiboko funts eta sozietateen kopurua 94 entitatekoa da, eta Estatuko finantza-sisteman duten eginkizuna indartzen du.