Gipuzkoak covid funtseko 25,1 milioi euro banatuko dizkie udalerriei
Estatuak aktibatutako baliabideetatik 25,1 milioi euro banatuko ditu Gipuzkoako Aldundiak udalen artean. Osasungintza, hezkuntza edo gizarte zerbitzuak bezalako oinarrizko zerbitzu publikoetara zein bestelako gaietara bideratu ahal izango dituzte.
Markel Olano Gipuzkoako diputatu nagusia Donostiako, Eibarko eta Oñatiko alkateekin bildu da ostegun honetan; Eneko Goia, Jon Iraola eta Izaro Elorza, hurrenez hurren. Foru Gobernuko Kontseiluak datorren astean onartuko duen baliabide banaketari buruz hitz egin dute.
Bileran zehar, foru arduradunak gogorarazi du Euskadiko erakunde eta finantzaketa sistemak "arrisku irizpideak eta partekatutako ardura" dituela zedarri. Haren aburuz, partekatutako ardura horrek administrazio publiko guztien kudeaketa zorrotz eta arduratsuagoa dakar, eta "zerbitzu hobea biztanleriarekiko".
Diputatu nagusiak nabarmendu duenez, udalen finantzaketa "une ona bizitzen ari da". Izan ere, urrian onartutako 2021eko aurre likidazioaren arabera, 55 milioi euroko aparteko ekarpena jasoko dute, aurrekontuetatik.
Finantza Publikoen Euskal Kontseilua telematikoki bildu zen abenduaren 28an, eta Estatuak pandemiaren aurrekontu-eragina indargabetzeko aktibatutako funtsen banaketa adostu zuten, lurralde historikoen artean.
Guztira, 188 milioi euro dira eta, Ekarpen Legearen arabera, horietatik 62,9 milioi euro Gipuzkoari dagozkio.
Lurraldeko Aldundiak bertako udalen artean banatu ditu baliabideak, "jaso eta berehala". Jasotako finantzaketaren % 40 dagokie.
Hala, Donostiak 6.850.000 euroko ekarpena jasoko du. Bestalde, lurraldeko udalerri nagusiek honako zenbatekoak jasoko dituzte: 2.131.000 euro Irunek, 1.337.000 euro Errenteriak, 942.000 euro Eibarrek, 783.000 euro Zarautzek, 746.775 euro Arrasatek, 691.000 euro Hernanik, 670.000 euro Tolosak, 626.000 euro Lasarte-Oriak, 569.000 euro Hondarribiak eta 509.000 euro Azpeitiak.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.