Pandemiari lotutako aldi baterako lan erregulazioko espedienteak martxoaren 31ra arte luzatu dituzte
Espainiako Gobernuak eta Estatuko gizarte eragileek pandemiarekin zerikusia duten aldi baterako lan erregulazioko espedienteak martxoaren 31ra arte luzatzea erabaki dute, langabeziako prestazioak mantenduz, baina enpresentzako salbuespenak jaitsiz.
UGTko eta CCOOko iturriek jakitera eman dutenez, Espainiako Gobernuak astearte honetako Ministroen Kontseiluan onartuko du neurria. Epe berriak enpresei lan erreformako eredu berrietara egokitzeko denbora emango diela uste dute sindikatuek.
Trantsizio hilabetean, aldi baterako erregulazioek langileen babesari eutsiko diote, baina enpresek Gizarte Segurantzari ordaintzen dizkioten kuoten salbuespena 20 puntu jaitsiko da. Espainian 100.000 pertsona daude aldi baterako lan erregulazioan, eta mekanismoa otsailaren 28an bertan behera geratu behar zen.
CCOOk azaldu duenez, salbuespenak % 80tik 60ra pasako dira trebakuntza egitasmoak dituzten enpresetan. Tankerako planik ez duten konpainiak, aldiz, % 40ko salbuespena izatetik % 20ra pasako dira 10 langile edo gehiago dituztenean, eta % 50etik 30era 10 behargin edo gutxiago dituztenean.
Bestalde, ezinbesteko erregulazioak direnean % 90 salbuetsiko zaie enpresei.
Bestalde, bidaia agentziak babesteko RED mekanismoa martxan jartzea adostu dute eragileek eta Espainiako Exekutiboak. Sektore kaltetuenetako bat da, afiliatuen % 30 lan erregulazioan dagoelako.
Era berean, jardunari uztea kobratzen ari diren 110.000 autonomoei kotizazioen salbuespena mantenduko die Inklusio Ministerioak. Deskontuak % 90ekoak izango dira martxoan, % 75ekoak apirilean, % 50ekoak maiatzean eta % 25ekoak ekainean.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.