Sindikatuentzat greba "historikoa" izan bada ere, Osakidetzak dio % 9,14ko jarraipena izan duela
Astelehen honetarako Osakidetzan deitutako greba eguna "historikotzat" jo dute sindikatuek, nahiz eta ez duten jarraipenari buruzko datu zehatzik eman.
EAEko hiru hiriburuetan manifestazioak egin ostean, Satsek, ELAk, LABk, CCOOk eta UGTk salatu dute sindikatuei daturik ez ematea agindu duela Osakidetzako zuzendaritzak, horrek "gardentasun falta" erakusten duela iritzita.
Hala, sindikatuen arabera, % 100eko jarraipena izan du grebak Basurtuko Ospitaleko zenbait zerbitzutan: Anatomia Patologikoan, zaindarien artean eta traumatologia kontsultetan, hain zuzen ere. Halaber, Gurutzetako Ospitalean Larrialdi zerbitzuan eta traumatologiako kirofanoan jarduna eten dute, iturri sindikalen esanetan. Galdakaoko Ospitalean, berriz, fisioterapeuta eta sukaldeko zerbitzuan % 100eko jarraipena izan du lanuzteak, baita Zumarragako ospitaleko barne medikuntza zerbitzuan ere. Gainera, Txagorritxuko eta Zumarragako kirofanoak zarratu dituztela baieztatu dute.
Horrez gain, Lehen Arretan jarraipen garrantzitsua izan du grebak. Arangoitin, San Adrian eta Boluetan eta Gernika-Lumon, esaterako, itxi egin dituzte osasun-zentroak.
"Zerbitzu batzuetan % 100ean eten dute jarduna, osasun-zentro asko itxi egin dituzte, eta horrek guztiak gogoetara eraman behar du Osakidetza", esan du ELA sindikatuko Arkaitz Herreroresek Basurtuko elkarretaratzean.
"Jarraipen oso zabala izaten ari da lanuztea. Osakidetzan izan diren greben artean, historikotzat jo dezakegu gaurkoa, "langileak argi eta ozen esaten ari direlako nazkatuta daudela, egoera larria dela, urrunetik datorrela eta premiazko irtenbideak behar dituela"
Horregatik, Osasun sailburuari "dinamika aldatzea" eskatu diote; mahai sektoriala negoziatzeko asmotan ager dadila, eta proposamenak "idatziz" bidal ditzatela.
Osakidetzaren arabera, % 9,14ko jarraipena izan du grebak
Sindikatuek emandako datuetatik oso urrun, Osakidetzaren esanetan, % 9,14ko jarraipena izan du gaurko greba egunak. Osasun Sailak ohar barten bidez eman ditu datuok, eta zehaztu du Araban % 8,25ekoa izan dela jarraipena, Bizkaian % 10,35ekoa eta Gipuzkoan % 7,80koa.
Lan kategoriak kontuan hartuta, medikuen % 7,63k egin dute greba, erizainen % 8,61ek eta gainerako sailetan lanean diharduten beharginen % 11,10ek.
Zure interesekoa izan daiteke
Merkantzia garraioko langileek 24 orduko greba egingo dute Nafarroan, hitzarmen berri bat eskatzeko
UGTk, CCOOk, ELAk eta LABek lanuztera dituzte kamioilariak gaur gaueko 22:00etatik asteleheneko 22:00etara. Horrela, sindikatuek presioa egingo dute 17 urtean berritu ez duten hitzarmenaren negoziazioetan aurrera egiteko.
Sindikatuek irmotasuna eskatu diote errektoreari, EHUren "azpifinantziazioaren" aurrean
Sindikatuek errektoretza-taldeari eskatu diote presioa egin diezaiola Eusko Jaurlaritzari finantzaketa handitzeko eta EHUko irakaskuntza eta lan-baldintzak ez hondatzeko.
Sestaoko Arcelor Mittaleko langile batek zauri larriak ditu beso batean, lanerako tresna bat gainera erorita
ELA sindikatuak lantegian ezbeharrak behin eta berriz gertatzen direla salatu du, eta langileen segurtasuna bermatzeko prebentzio neurri “erreal eta eraginkorrak” eskatu ditu.
De Guindosen esanetan euroguneko ekonomia uste baino hobeto doa eta interes-tasen maila egokia da
Europako Banku Zentraleko presidenteordearen hitzetan, Espainiako ekonomia, hazkundeari dagokionez, "ondo doa", % 3 inguruko mailarekin, gaur egun eurogunerako EBk proiektatzen duena (% 1,3 aurten) baino askoz ere maila altuagoan. Adierazi duenez, hazkunde horren atzean inmigrazioaren ondoriozko biztanleriaren hazkunde "oso garrantzitsua" dago, eta ohartarazi duenez, egungo eskaerari aurre egiteko horren beharrezkoa den "alokairuko etxebizitzaren eskaintza mugatzen ari da erregulazioa".
ELAk eta LABek Euskal Autonomia Erkidegoko Justizia Auzitegira eraman dute Confebask, soldata minimoaren alde
Sindikatuek dagoeneko formalizatu dute Confebasken aurkako demanda, Euskal Autonomia Erkidegoko Justizia Auzitegian aurkeztutakoa, patronalak Euskadirako gutxieneko soldata propio bat negoziatzeari uko egin diola iritzita.
Europako Inbertsio Bankuak 1700 milioirekin finantzatuko ditu Burgos-Gasteiz abiadura handiko trenbideko lanak
Adifen eta EIBren arabera, finantzaketa horrek bultzada "berri eta garrantzitsua" emango dio Iberiar Penintsula Europako gainerako lurraldeekin lotuko duen trenbide bidezko konexioari.
Langile bat larri zauritu da Azpeitian, eraikuntza lanetan ari zela altueratik erorita
Lan-istripua 11:45 aldera gertatu da, Iñaki Azpiazu kalean, eta 44 urteko langilea Donostia Ospitalera eraman dute.
Jaurlaritzak etxejabeentzako aseguru publiko ezartzea bat bultzatu du, erreferentziazko prezioen indizearen araberako alokairuak sustatzeko
Itxaso sailburuak azaldu duenez, Aloka+ programa berriaren bitartez "etxebizitza alokairu-merkatura ateratzeko zalantzak dituzten jabeei segurtasuna eman nahi zaie". Izan ere, aseguru publiko eta doakoa bermatuko zaie etxejabeei, maizterrek ordaintzen ez dutenerako eta kalte materialei aurre egin ahal izateko.
Hil egin da Igantzin traktorearekin istripua izan eta larri zauritu zen gizona
Ezbeharra atzo gertatu zen, 14:08 aldera, Bordako soroan. Gizona traktore txiki batekin ari zen lanean, istripua izan zuen eta ibilgailuak harrapatu egin zuen. Ezbeharraren ondorioz, beharginak zauri larriak zituen.
ENBAk eta EHNEk hegazti gripeari "zorroztasun zientifikoarekin" aurre egiteko eskatu dute, ez "neurri politikoekin"
Nekazarien elkarteen ustez, “hein handi batean landakoa, estensiboa eta ekologikoa” den Euskadiko ekoizpen-sisteman itxialdiak “gaixotasunak zabaltzeko arriskua” dakar.