Energia iturriak dibertsifikatzearen alde egin dute Von der Leyenek eta Sanchezek Errusiaren menpe ez egoteko
Ursula von der Leyen Europar Batzordeko presidenteak eta Pedro Sanchez Espainiako Gobernuko presidenteak argi dute Europar Batasunak "Errusiako gasaren eta ikatzaren menpekotasunetik libratu beharra" daukala. "Horretarako, gure energia iturriak dibertsifikatu behar ditugu, eraginkortasun energetikoa bermatu eta energia berriztagarrietan asko inbertitu", adierazi du Europako Batzordeko presidenteak Moncloa Jauregian egindako bileraren ostean emandako prentsaurrekoan.
Europako Batzordeko presidenteak Espainia goraipatu du "ahalegin horien buruan joateagatik". Izan ere, energia berriztagarrien portzentaje "ikaragarria" du Espainiar Estatuak von der Leyenen aburuz: "Energia-gaitasun handia du Espainiak, eta trebetasun eta esperientzia izugarria energia berriztagarriaren esparruan. Espainiak paper garrantzitsua jokatuko du Europako energia-horniduran" iragarri du.
Pedro Sanchez Espainiako Gobernuko presidenteak azaldu duenez, Europar Batasunaren independentzia energetikoarekin zerikusia duten hainbat gairi buruzko iritziak partekatu dituzte: "Funtsezko sektore teknologiko batzuetan aurrera egin behar dugu. Ez dut zalantzarik EB indartsuago aterako dela erronka horietatik", esan du Sanchezek.
Nadia Calviño Ekonomia Gaietarako eta Eraldaketa Digitalerako lehen presidenteorde eta ministroak zein Teresa Ribera hirugarren presidenteorde eta Trantsizio Ekologiko eta Erronka Demografikorako ministroak ere parte hartu dute bileran.
Sanchezek dio Putinek "bi akats" egin dituela: "Ukrainak amore emango zuela pentsatzea eta Europa zatituta egongo zela pentsatzea"
Bestalde, Sanchez presidenteak esan du Vladimir Putin Errusiako presidenteak "bi akats estrategiko" egin dituela: "Ukrainak amore emango zuela pentsatzea eta Europa zatituta egongo zela pentsatzea". "Batetik, ukrainarrek batasun handia erakutsi dute euren askatasuna defendatuz", eta bestetik, "Europak inoiz baino gehiago bat egin du".
"Europak defentsa-politika bateratua lortzea" defendatu du Espainiako presidenteak bere agerraldian, "gero eta garrantzitsuagoa den NATOren osagarri perfektua izango litzatekeena" esan du. "NATOk ekainean Madrilen egingo duen goi-bilera ezin hobea izango da bi erakundeen osagarritasuna lortzeko" gaineratu du.
Europako Batzordeko presidenteak ere Europaren batasuna goraipatu du: "Gozamena eta harrotasuna ematen du EBk batasuna eta elkartasuna erakutsi dituela esateak". Batasun horren adibide, "Errusiako erregimenaren aurkako hainbat zigor pakete" aipatu ditu Von der Leyenek.
Zure interesekoa izan daiteke
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.